addresiya
Kigali
startimes

Umunyezamu Eric Bakame nawe yavuze ku byo mugenzi we Ndoli Jean Claude amushinja birimo amarozi no kumusenyera urugo

Imyidagaduro   Yanditswe na: Martin Munezero 13 May 2020 Yasuwe: 5729

Ndayishimiye Eric Bakame yateye utwatsi ibyo ashinjwa n’ umunyezamu mugenzi we Ndoli Jean Claude birimo kumusenyera urugo ndetse n’ibijyanye n’amarozi, avuga ko ibyo Ndoli amuvugaho ari ukumusebya bitari bikwiriye na gato.



Ibi bije nyuma yaho hamaze iminsi Ndoli Jean Claude atangaje ko imibanire ye itari myiza ubwo babanaga mw’ikipe ya APR FC yerura ko hagati yabo bombi harimo ishyari n’urwango.

Ndoli avuga ko yatangiye kwibasirwa n’imvune ubwo Bakame yageraga muri APR FC ndetse akaba yaranamuteranyije n’umugore we bibaviramo gutandukana.

Umunyezamu Ndoli Jean Claude

Akomeza avuga ko imyitwarire ye yagiye inababaza abatoza bakamugira inama akanga, ngo yashakaga kugendera mu nzira z’abanyamahanga.

Yagize ati“njye na Ndoli hari abantu benshi bagiye batugira inama badukuriye barimo Eric Ntazinda wari manager wa APR FC. Batugiraga inama bakabwira Ndoli ko ari mu nzira zitari nziza kuko yarimo yishinga abantu badahuje igihugu, bakamwereka uburyo bizamugora, bakatugira inama ariko Ndoli akica amatwi, n’ubu iyo mvuganye na bo barambwira ngo ibyo bavugaga ni byo barimo kubona.”

Mu kiganiro Bakame yagiranye n’ikinyamakuru ISIMBI dukesha iyi nkuru, yavuze ko ibyo Ndoli yatangaje nta byinshi afite kubivugaho uretse kuba ari ibihuha cyane ko mu myaka yamaze muri APR FC yayivuyemo agasiga Ndoli atakibanza mu kibuga, bivuze ko batari bagihanganira umwanya.

Yagize ati“biriya nta byinshi nabivugaho kuko urebye imyaka namaze muri APR FC, nasizemo Ndoli ariko n’ubwo namusizemo ntabwo yabanzaga mu kibuga mvuge ngo nahanganiraga na we umwanya, icyiza twagombaga guhanganira umwanya na none kugira ngo haboneke ukina rero ubwo niba byaranze akajya mu bindi sinjye.”

Kuba yaramutandukanyije n’umugore we, Ndayishimiye Eric Bakame yahakanye aya makuru ngo kuko ubu uyu munyezamu wa Musanze FC amaze gutandukana n’abagore 3, ntakeka ko bose ari we watumye batandukana.

Yagize ati“nta bintu byinshi nabivugaho kuko Imana ni yo izi umutima wanjye n’uwa Ndoli kandi izi n’ukuri. Kugeza aka kanya atandukanye n’abagore 3, bose abo bagore 3 ntabwo ari Bakame wamutandukanyije n’abo bagore batatu, ngira ngo hari abari baturanye na we Kanombe aho yari atuye, uburyo yari abanye n’umugore we, uburyo yari afite akabari, na bo baguha ubuhamya bazi uko yari abanye na we, burya umuntu aba icyo ari cyo bitewe na we, ntiwatera ibigori ngo usarure inyama.”

Ndayishimiye Eric Bakame usigaye ukinira ikipe ya AS Kigali na Ndoli Jean Claude uri muri Musanze FC, bakinanye muri APR FC kuva 2009 ubwo Bakame yamusangagamo kugeza 2013 ubwo yayivagamo ajya muri Rayon Sports.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Hategekimana samuel

    Bakame ararenganap kuko guhanganira umwanya byagombaga kubaho nkabantubakinannye kd ndibazako haricyo byabongereye kuko urwego rwabo rwarazamutse ark ibyumugore wa ndoli numva atabishinza bakame ahubwo ndoli niyigenzure neza niba arimiseke igoroye.

    2 weeks ago

Inzindi nkuru

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 3813 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5399 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 7122 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 4128 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2279 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1947 0