addresiya
Kigali
startimes

Umupira w’amaguru wo mu Bwongereza abantu bazongera kuwureba nyuma y’ukwezi

Imyidagaduro   Yanditswe na: Martin Munezero 20 March 2020 Yasuwe: 693

Kubera icyorezo cya coronavirus gikomeje gukwirakwira hirya no hino ku Isi, Ubwongereza bwafashe ingamba zo guhagarika ibikorwa byose by’umupira w’amaguru birimo na Shampiyona y’icyiciro cya mbere “Premier League” kugeza tariki ya 30 Mata uyu mwaka.



Mu minsi ishize, Premier League yari yahagaritswe mu byumweru bibiri kugira ngo hasuzumwe niba icyorezo cya Coronavirus cyaba kimaze kugabanya umuvuduko, ibikorwa by’imikino bikongera gukomeza.

Inama yahuje abayobozi b’amakipe atandukanye y’umupira w’amaguru mu Bwongereza, ku wa Kane tariki ya 19 Werurwe, yanzuye ko imikino yose ikomeza guhagarikwa kugeza tariki ya 30 Mata.

Hemejewe ko kandi uyu mwaka w’imikino wa 2019/20 uzakinwa kugeza igihe kitazwi mu gihe byari byitezwe ko uzarangira tariki ya 1 Kamena.

Itangazo ryashyizwe hanze n’Ishyirahamwe ry’Umupira w’Amaguru mu Bwongereza (FA) ku bufatanye n’abategura Premier League na English Football League y’icyiciro cya kabiri, rivuga ko icyo cyemezo cyafashwe mu rwego rwo gushaka uburyo uyu mwaka w’imikino warangira, amarushanwa yose y’imbere mu gihugu n’ay’i Burayi agasozwa mu mutuzo.

Mu Bwongereza, bafashe iki cyemezo nyuma y’iminsi ibiri Impuzamashyirahamwe y’Umupira w’Amaguru I Burayi (UEFA) yemeje ko Igikombe cy’u Burayi (Euro 2020) cyari giteganyjwe mu mpeshyi, kizakinwa mu mwaka utaha wa 2021.

Iri rushanwa rihuza amakipe y’ibihugu, ryimuwe kugira ngo haboneke umwanya uhagije wo gusoza za Shampiyona zitandukanye, UEFA Champions League na Europa League.

Guhagarara kw’imikino itandukanye kubera icyorezo cya Coronavirus kwatumye benshi bibaza niba uyu mwaka w’imikino uzarangira cyangwa uzafatwa nk’utarigeze ubaho.

Mu cyumweru gishize, Umuyobozi wungirije wa West Ham, Karren Brady, yabwiye BBC ko uyu mwaka w’imikino ukwiye kwirengagizwa, imikino yose yakinwe igateshwa agaciro kuko bigoye ko warangira.

Greg Clarke uyobora FA, na we yagaragaje impungenge z’uko bigoye ko uyu mwaka w’imikino uzasozwa mu gihe Umuyobozi wa Brighton, Paul Barver yavuze ko byaba bitanyuze mu mucyo Liverpool idahawe igikombe cya Shampiyona cy’uyu mwaka, kuri ubu ibura intsinzi ebyiri gusa ngo icyegukane.

Kugeza ubu igikomeje kwibazwa n’uburyo abakinnyi bazakomeza gukina amasezerano yabo yararangiye, aho abenshi muri bo amasezerano yabo arangirana na tariki ya 30 Kamena.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4129 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5502 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 7264 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 4170 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2287 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1954 0