Kigali

Umutoza Ole Gunnar Solskjaer yavuze abakinnyi 2 ba United bamufashije guhagama Liverpool

Imyidagaduro   Yanditswe na: Dusingizimana Remy 21 October 2019 Yasuwe: 3221

Umutoza wa Manchester United, Ole Gunnar Solskjaer,yishimiye bikomeye imyitwarire y’abakinnyi be babiri barimo Marcus Rashford na Daniel James bamufashije guhagama Liverpool kuri iki cyumweru.



Ikipe ya Manchester United yabaye ikipe ya mbere yahagamye Liverpool ikayikuraho inota muri shampiyona y’Ubwongereza y’uyu mwaka igeze ku munsi wa 09 nyuma y’aho mu mukino wabaye kuri iki cyumweru banganyije igitego 1-1.

Liverpool yari imaze gutsinda imikino 8 yikurikiranya muri shampiyona y’uyu mwaka,yagowe bikomeye na Rashford ndetse na Daniel James mu mukino yakinnye nabi cyane ugereranyije nuko yari isanzwe ikina.

Mu kiganiro n’abanyamakuru,umutoza Ole Gunnar Solskjaer yavuze ko abasore be babiri barimo Daniel James na Rashford bitwaye neza cyane.

Yagize ati “Niwo mukino Rashford yitwayemo neza cyane kurusha indi yose yakinnye mu mezi 10 tumaranye.Yagoye ba myugariro ku muvuduko,yashatse imipira kenshi,yugariye neza ndetse yagerageje kugumana umupira.Yagaragaye kenshi ahangana na Van Dijk.Bigaragara ko amaze gukura ndetse afite imbaraga.”

Kuri Daniel James Ole yagize ati “James n’umukinnyi w’intwari.Yakoreweho amakosa menshi akongera akabyuka.N’umukinnyi buri wese atakwifuza guhura nawe kubera ahanini umuvuduko we ndetse birashimishije gukorana nawe.We na Rashford bakinnye neza cyane.”

Manchester United yongeye kugaragaza ko ari ikipe nkuru kuko benshi bari bazi ko iratsindwa ibitego byinshi na Liverpool,ariko yishe umukino wayo birangira iyikuyeho inota rimwe ku kibuga Old Trafford.

Manchester United iracyari ku mwanya wa 13 n’amanota 10 mu gihe Liverpool iyoboye shampiyona n’amanota 25 aho irusha Manchester City amanota 6.



Marcus Rashford watsinze igitego Liverpool na Daniel James wamuhaye umupira wa nyuma bashimwe n’umutoza Ole

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Bergson

    Yibagiwe Atinkson!

    1 month ago

Inzindi nkuru

Aubameyang yagiye mu bwiherero hagati mu mukino bituma abafana ba Arsenal...

Rutahizamu wa Arsenal, Pierre Emerick-Aubameyang,yateye umujinya abafana ba...
6 December 2019 Yasuwe: 52 0

kimwe mu bidasanzwe byaranze umunsi wa 12 wa Shampiyona y’icyiciro cya mbere...

Umunsi wa 12 wa Shampiyona y’icyiciro cya mbere mu Rwanda (RPL) wasojwe nta...
6 December 2019 Yasuwe: 52 0

Imyigaragambyo y’ikiruhuko cy’izabukuru yahagaritse ubuzima mu...

Imyigaragambyo yabangamiye bikomeye amashuri n’ibijyanye n’ingendo no gutwara...
5 December 2019 Yasuwe: 1005 1

Aline Umutoni wasifuye umukino wahuje ikipe ya Gasogi United n’iya Gicumbi...

Muri uyu mukino wa shampiyona Aline yaherukaga gusifura yarakariwe cyane...
5 December 2019 Yasuwe: 3839 0

Jose Mourinho yavuze ikosa abakinnyi be bakoze bigatuma batsindwa na...

Umutoza wa Tottenham,Jose Mourinho yavuze ko impamvu ikomeye yatumye...
5 December 2019 Yasuwe: 2620 0

Umukinnyi wa Rayon Sports yatunguwe n’umuryango we ku isabukuru y’amavuko...

Nyuma y’umukino ikipe ya Rayon Sports yaraye inganyijemo na Police FC...
5 December 2019 Yasuwe: 3458 0