skol
Kigali
startimes

Umutoza Ronald Koeman yasubije Messi wamushinje kujugunya nabi Luis Suarez

Imyidagaduro   Yanditswe na: Dusingizimana Remy 27 September 2020 Yasuwe: 4402

Umutoza mushya wa FC Barcelona,Ronald Koeman yavuze ko nta ruhare na rumwe yagize mu kwirukana nabi Luis Suarez wari inshuti magara ya kizigenza Messi.


Kuwa Kane w’iki cyumweru nibwo Suarez yasezeye kuri FC Barcelona yerekeza muri Atletico Madrid ariko yemeje ko yabwiwe n’umutoza ko atamukeneye mu ikipe ye.

Amakuru avuga ko Koeman yahamagaye Suarez ari mu biruhuko amubwira ko agomba gushaka aho yerekeza kuko atamubona mu mishanga yazanye muri FC Barcelona.

Uku gusezererwa nabi kwa Suarez kwababaje cyane Lionel Messi wavuze ko ababajwe n’uko iyi nshuti ye bari bamaze imyaka 6 bakinana yajugunywe hanze ndetse yemeza ko ibyo ikipe ya FC Barcelona iri gukora ubu nta gisigaye kimutungura.

Umutoza Ronald Koeman yabwiye ko muri iyi filimi yo gusezerera Suarez nta ruhare yayigizemo ahubwo byakozwe n’ubuyobozi.

Ati “N’ibintu bisanzwe ko Messi yarakara kubera ko inshuti ye yagiye kuko bibaho mu mupira ariko nta gushidikanya mfite kuri we kuko namubonye mu myitozo.

Biragaragara ko nabaye umuntu mubi muri iyi filimi yo kwirukana Suarez ariko siko bimeze.N’umwanzuro wafashwe n’ikipe.Nubaha Suarez kandi ndamwifuriza amahirwe masa mu ikipe ya Atlético Madrid.

Mu gusezera kuri Suarez,Lionel Messi yavuze ko bimubabaje cyane kubona akamaro Suarez yagiriye iyi kipe, yarangiza ikamujugunya hanze mu buryo babikozemo gusa yavuze ko ku rwego ikipe iriho ubu nta na kimwe kikimutungura.

Ubutumwa Burambuye Messi yahaye Suarez amusezeraho:

“Nari natangiye kubitekereza ariko uyu munsi nagiye mu rwambariro nsanga rurampamagara.Bigiye kunkomerera cyane kudakomeza kudasangira nawe buri munsi ku bibuga no hanze yabyo.Tugiye kugukumbura cyane.

Twamaranye imyaka myinshi,dutsinda amakipe.Twasangiye amafunguro menshi ya saa sita na nimugoroba.Hari ibintu byinshi tutazibagirwa mu gihe cyose twamaranye.

Bizaba bitangaje kukubona wambaye undi mwenda noneho ikirenzeho mpanganye nawe mu kibuga.

Wari ukwiriye gusezererwa mu buryo bujyanye n’uwo uri we:Umwe mu bakinnyi b’ingenzi mu mateka y’ikipe.Umuntu wagejeje kuri byinshi ikipe ndetse nawe ku giti cyawe.Ntabwo wari ukwiriye kujugunywa hanze nkuko babikoze ariko kuri uru rwego nta kintu kikintangaza.

Luis Suarez n’umukinnyi wa gatatu mu bafite ibitego byinshi mu mateka ya FC Barcelona.

Yavuye muri FC Barcelona amaze gukina imikino 283,atsinda ibitego 198,atanga imipira yavuyemo ibitego 109.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida mushya wa Rayon Sports ushaka kuyigira mpatsamakipe yahawe...

Perezida Mushya wa Rayon Sports,Uwayezu Jean Fidele, yatangaje ko afite...
25 October 2020 Yasuwe: 2273 0

Umukinnyi wakunzwe cyane muri Arsenal yatangiye kwitoreza muri pariki nyuma...

Benshi mu bakunzi b’umupira w’amaguru ku isi by’umwihariko aba Arsenal bakunze...
25 October 2020 Yasuwe: 3052 0

Perezida Mushya wa Rayon Sports ntiyiteguye kumena amafaranga ye mu ikipe...

Ku munsi w’ejo nibwo inteko rusange ya Rayon Sports yatoye Uwayezu Jean...
25 October 2020 Yasuwe: 1648 0

Umutoza wa FC Barcelona yandagaje cyane VAR nyuma yo gutsindwa na Real...

Umutoza wa FC Barcelona,Ronald Koeman yavuze ko VAR ifasha abasifuzi aho...
25 October 2020 Yasuwe: 1991 0

Ajax yanyagiye ikipe ibitego 13-0 muri shampiyona y’Ubuholandi

Ikipe ya Ajax Amsterdam yubatse izina I Burayi kubera ibikombe yatwaye mu...
25 October 2020 Yasuwe: 756 0

Patriots yatwaye igikombe cya shampiyona REG BBC mu mukino warebwe na...

Ikipe ya Patriots BBC yakomeje gushimangira ko mu mukino wa Basketball mu...
24 October 2020 Yasuwe: 817 0