skol
fortebet

Umutoza w’Ubufaransa yibasiye ikipe ya Manchester United kubera Pogba

Yanditswe: Tuesday 10, Nov 2020

Sponsored Ad

Umutoza w’ikipe y’igihugu cy’Ubufaransa, Didier Deschamps,yatangaje ko umukinnyi we Paul Pogba atishimye kubera ukuntu afashwe nabi mu ikipe ye ya Manchester United.

Sponsored Ad

Pogba amaze gukina imikino 11 mu ikipe ya Manchester United ariko iyo yabanje mu kibuga ni 5 gusa ariyo mpamvu Deschamps yavuze ko atishimiye uko uyu mukinnyi afashwe.

Yagize ati “Ari mu bihe bibi atishimiye mu ikipe ya Manchester United,atari uko atabona umwanya uhagije wo gukina ahubwo n’uburyo akinishwa.

Ntabwo ari mu bihe byiza.Yagize imvune nyinshi aza no kwandura Covid-19 yamugizeho ingaruka zikomeye.Akeneye kongera kugaruka mu bihe byiza.

Kuri njyewe nta kibazo mufiteho.Iyo umukinnyi afashwe nabi mu ikipe ye,aba yishimiye gukinira ikipe y’igihugu y’Ubufaransa.Azambwira uko amerewe ariko uko muzi ahora ari mu cyerekezo cyiza.”

Pogba w’imyaka 27,yongeye kugaruka mu ikipe ya United aguzwe miliyoni 89 muri Juventus muri 2016.

Mu minsi ishize ubwo yari mu ikipe y’igihugu,Pogba yavuze ko ari inzozi ze gukina mu ikipe ya Real Madrid.

Mu kwezi gushize byavuzwe ko United yasabye Pogba ko yakongera umwaka amasezerano kuyo asanganwe azageza muri 2022.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa