skol
fortebet

Uwahoze ari Perezida wa FC Barcelona Bartomeu n’abo bakoranaga batawe muri yombi bakekwaho ruswa

Yanditswe: Monday 01, Mar 2021

Sponsored Ad

Uwahoze ari perezida wa FC Barcelona, Josep Maria Bartomeu,weguye mu Ukwakira umwaka ushize yatawe muri yombi na Polisi yo mu mujyi wa Catalonia akekwaho ibyaha bya ruswa.

Sponsored Ad

Mu mwaka ushize nibwo byatangajwe ko ubuyobozi bw’ ikipe ya Barca yatanze amafaranga menshi ku mbuga nkoranyambaga kugira ngo zisebye bamwe mu bantu b’ikipe mu cyiswe ’Barcagate’.

Bivugwa ko Lionel Messi, Pep Guardiola, Xavi na Gerard Pique bari mu bari bagambiriwe guteshwa agaciro n’izi mbuga nkoranyambaga.

Icyakora Josep Maria Bartomeu yahakanye ko nta kibi yakoze mu kwezi gushize gusa bamwe mu banyamuryango 8 bakomeye muri FC Barcelona bahise biyemeza gutanga ibirego byatumye uyu mugabo n’abandi bakoranye batabwa muri yombi.

Kuri uyu wa Mbere,Cadena SER yavuze ko Bartomeu n’abandi bantu 3 batawe muriyombi kugira ngo bajye gukorwaho iperereza aho ngo buri masezerano yose yasinywe kuri ibi bintu imwe yishyurwaga ibihumbi 173 by’amapawundi.

Uwari ushinzwe imiyoborerey’ikipe Oscar Grau, umunyamategeko mukuru Roman Gomez n’uwari umujyanama wa Bartomeu, Jaume Masferrer bose batawe muri yombi.

Ikipe ya FC Barcelona yemeje ko irakorana n’inzego zibishinzwe mu iperereza kuri ibi bikomerezwa.

Kuwa 27 Ukwakira 2020,nibwo Perezida wa Barcelona Josep Maria Bartomeu yeguye nyuma yuko yari akomeje kotswa igitutu.

Abafana bari bamaze igihe bagerageza uburyo bakuraho Bartomeu, wabaye Perezida w’iyi kipe guhera mu mwaka wa 2014 akaba yari amaze igihe adacana uwaka na Lionel Messi.

Yeguye ari hamwe n’abagize inama yose y’ubuyobozi bukuru bwa Barcelona.

Muri uku kwezi kwa gatatu,ni bwo byari biteganyijwe ko Bartomeu yegura, amaze gusoza manda ze ebyiri ziteganywa n’amategeko ya Barcelona, ariko yari ahanganye n’amatora yo kumutakariza icyizere birangira agiye.

Abanyamuryango ba Barcelona barenga 20,000 bari bashyize umukono ku nyandiko isaba ko akurwa ku buyobozi bw’iyi kipe.

Mu mwaka wa 2019, hari hakomeje kwiyongera k’uburakari bitewe n’ubuyobozi bwe kubera ubukungu bw’iyi kipe bwarimo kurushaho gucumbagira ndetse n’umusaruro mubi w’ikipe mu kibuga no kunanirwa kwegukana igikombe icyo ari cyo cyose mu mwaka ushize.

Bartomeu yari yaranashwanye na Messi ku mpeshyi, nyuma yuko uyu rutahizamu ukomoka muri Argentina atanze ubusabe bwo kuva muri iyi kipe bikanga

Byarangiye Messi yanze kujya mu nkiko ngo abe yayivamo ku ngufu, ahitamo kuguma muri Barcelona, ariko asigara yumva yarahemukiwe na Bartomeu.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa