skol
Kigali
startimes

Uwari umutoza wungirije mu ikipe ya APR FC yatandukanye na yo

Imyidagaduro   Yanditswe na: Martin Munezero 8 July 2020 Yasuwe: 1835

Nyuma yo kunanirwa kumvikana na APR FC ku bijyanye no kuba yakongererwa amasezerano, Dr Nabil Bekroui wari umutoza wungirije muri iyi kipe yatangaje ko agomba gutandukana na yo akava mu Rwanda ubwo ingendo zizaba zifunguwe.


Uyu munya-Maroc yari amaze umwaka umwe mu kipe y’ingabo z’igihugu, nyuma yo kuyigeramo mu mwaka ushize azanwe na mwene wabo, Mohammed Adil Erradi yari yungirije.

Ni umwe mu bafashije iyi kipe gusoza shampiyona idatsinzwe mu mikino 23 yakinnye, ahanini kubera imyitozo yo ku rwego rwo hejuru yahaga abakinnyi ndetse no kuzana “Science” muri ruhago y’u Rwanda itari imenyerewe.

Dr Nabil Bekroui aganira n’ikinyamakuru Fun Club, yahamije ko atazakomezanya na APR FC nyuma yo gusoza amasezerano y’umwaka umwe bari basinyanye. Yagize ati:

Ntabwo nzongera amasezerano, nzava mu Rwanda mu mpera z’ukwezi. Ntabwo nzi niba Adil azahaguma ariko njye ntabwo nzongera.

Mu minsi yashize byari byavuzwe ko umutoza Nabil ashobora kwirukanwa na APR FC kubera ukutumvikana n’umutoza wayo mukuru, cyakora cyo iriya kipe y’ingabo z’igihugu iza kunyomoza ayo makuru ihamya ko abatoza bayo babanye neza.

Amakuru avuga ko umutoza Adil w’imyaka 41 we yamaze kongera amasezerano y’imyaka ibiri yo gukomeza gutoza APR FC, nyuma yo kongererwa umushahara ukava kuri 18,000,000 Rwf ukagera kuri 20,000,000 Rwf ku kwezi.

Ni nyuma yo gufasha iyi kipe kwegukana igikombe cya shampiyona cya 18 mu mateka yayo yatwaye idatsinzwe umukino n’umwe.

Aganira n’ikinyamakuru cy’iwabo muri Marroc cyitwa Blad mu minsi yashize, Mohammed Adil Erradi yatangaje ko ari umunyamahirwe kuba yarisanze mu kipe y’amateka mu Rwanda itanga ibya ngombwa byose nkenerwa, bikaba mu byamufashije kwitwara neza. Hiyongeraho ko imitekerereze yo muri APR FC idatandukanye cyane n’iy’ Burayi.

Icyo gihe yavuze ko ubu ikimuraje ishinga ari ukugira APR FC ikipe ikomeye ku ruhando rwa Afurika, byibura akayigeza mu matsinda ya rimwe mu marushanwa akinirwa kuri uyu mugabane. Ati:

Ninkomeza mu Rwanda, intego yanjye ni ukugera byibura mu matsinda y’amarushanwa yo ku mugabane wa Afurika. Ibyo bitabaye, u Rwanda ntiruzatera imbere mu isi y’umupira w’amaguru.

Byitezwe ko nyuma yo gutandukana n’umutoza Dr Nabil Bekroui, APR FC igomba gushaka umusimbura we uzayifasha mu mikino y’umwaka utaha w’imikino haba muri Shampiyona ndetse no muri CAF Champions league izahagarariramo igihugu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo ari mu mazi abira kubera ibyo aherutse gukorera mu...

Rutahizamu ukomeye wa Juventus, Cristiano Ronaldo,ari gukorwaho iperereza...
26 October 2020 Yasuwe: 1663 0

Amavubi yasezereye abakinnyi 5 barimo Bayisenge Emery mbere yo kugaruka mu...

Kuri uyu wa Mbere tariki 26 Ukwakira 2020, nibwo ikipe y’igihugu Amavubi...
26 October 2020 Yasuwe: 1321 0

Biravugwa ko Paul Pogba yasezeye mu ikipe y’igihugu y’Ubufaransa kubera...

Umukinnyi Paul Pogba ukina hagati mu ikipe ya Manchester United no mu ikipe...
26 October 2020 Yasuwe: 2093 0

Abantu 06 banduye Covid-19 mu Rwanda mu gihe abandi 24 bayikize

Minisiteri y’Ubuzima yatangaje ko kuri iki cyumweru tariki ya 25 Ukwakira...
25 October 2020 Yasuwe: 989 0

Perezida mushya wa Rayon Sports ushaka kuyigira mpatsamakipe yahawe...

Perezida Mushya wa Rayon Sports,Uwayezu Jean Fidele, yatangaje ko afite...
25 October 2020 Yasuwe: 3370 0

Umukinnyi wakunzwe cyane muri Arsenal yatangiye kwitoreza muri pariki nyuma...

Benshi mu bakunzi b’umupira w’amaguru ku isi by’umwihariko aba Arsenal bakunze...
25 October 2020 Yasuwe: 4015 0