Umwe mu bakandida bifuza gusimbura Bartomeu muri FC Barcelona witwa Emili Rousaud yatangaje ko naramuka atowe azagurisha Lionel Messi igihe cyose azaba yanze kugabanya umushahara.

Sponsored Ad

Ahazaza ha Messi hahangayikishije buri wese ukunda FC Barcelona gusa uyu Emili Rousaud we yemeje ko yiteguye kumurekura akigendera naramuka yanze kugabanya umushahara.

Yagize ati “Tuzicara hasi tuganire na Lionel Messi tumusabe kugabanya umushahara.Kugeza ubu,uko ibintu bimeze ntabwo byoroshye.Tuzamusaba ko atanga igitambo agabanye umushahara Nitunanirwa kumvikana tuzamureka yigendere.”

Mu minsi ishize nibwo Messi yavuze ko ashaka kuva muri FC Barcelona akigira ahandi aho byavugwaga ko yifuzaga kwerekeza muri Manchester City.

Emili Rousaud yakomeje ati “Messi yanditse amateka akomeye mu ikipe yacu.Tugomba kubaha abanyabigwi bacu ariko ukuri nuko.

Ntekereza ko ukuri gukwiriye kuvugwa uko kuri.Ntabwo twagira injiji abanyamuryango bacu.Tuzakora ibishoboka byose agume mu ikipe ariko ku nyungu z’ikipe mbere na mbere.

Messi yaraye ahesheje amanota FC Barcelona nyuma yo kuyitsindira Levante igitego 1-0 mu mukino wari ugoye cyane.