skol
fortebet

Zinedine Zidane yahaye abanyamakuru igisubizo gitangaje nyuma yo gutsindwa na Alaves

Yanditswe: Sunday 29, Nov 2020

Sponsored Ad

Umutoza wa Real Madrid,Zinedine Zidane,utari kwitwara neza muri uyu mwaka w’imikino,yabwiye abanyamakuru ko atabonera ibisobanuro impamvu ikipe ye iri kwitwara nabi muri shampiyona ya La LIGA.

Sponsored Ad

Real Madrid yaraye atsinzwe ibitego 2-1 na Deportivo Alaves mu mukino yari yayakiriye ku kibuga Alfred di Stefano bituma ikomeza gutera umugongo igikombe cya shampiyona.

Ibitego bya Alaves byatsinzwe na Lucas Perez penalty kuri penaliti na Joselu mu gihe icya Real Madrid cyatsinzwe na Casemiro mu minota ya nyuma y’umukino.

Iyi ni inshuro ya 3 iyi kipe ya Real Madrid itsinzwe muri shampiyona ariko umutoza Zidane yabwiye abanyamakuru ko ibihe bibi ikipe irimo atabibonera ubusobanuro.

Yagize ati “Nta bisobanuro mfitiye uko turi kwitwara.Iri joro twagize ibihe byiza n’ibibi.Ubwo batsindaga igitego hashize iminota 3 gusa,ibintu byahise bibi cyane.

Ku mukino wa Milan twakinnye neza ariko uyu munsi byanze.Ntabwo nabibonera ibisobanuro.Icyo twakora n’ugukomeza gukora cyane,tukareka abakinnyi bagakira neza ndetse tugahindura ibijyanye no guhozaho.”

Madrid iri ku mwanya wa 4 ku rutonde rwa shampiyona ariko amakipe ari imbere ayirusha amanota menshi. Real Sociedad na Atletico Madrid nizo za mbere.FC Barcelona nayo ikomeye muri Espagne iri ku mwanya wa 14.

Real Madrid igiye guhura na Shakhtar Donetsk muri Champions League mu cyumweru gitaha hanyuma izakine na Sevilla muri La Liga.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa