skol
Kigali
startimes

Zinedine Zidane yavuze ku kibazo cya Benzema na Vinicius cyatumye benshi bacika ururondogoro

Imyidagaduro   Yanditswe na: Dusingizimana Remy 30 October 2020 Yasuwe: 2792

Umutoza wa Real Madrid,Zinedine Zidane yatangaje ko ikibazo cya Karim Benzema na mugenzi we bakinana,Vinicius Jr cyamaze gukemuka ndetse bombi baganiriye nyuma y’aho ibinyamakuru byari byaciye igikuba.


Rutahizamu Karim Benzema yagaragaye abuza myugariro Ferland Mendy kudahereza umupira Vinicius Jr bakinana kubera ukuntu yapfushaga ubusa imipira yose yahabwaga ku mukino wa Champions League baheruka kunganyamo ibitego 2-2 na Borussia Monchengladbach.

Benzema yabwiye Mendy ati “Ntiwongere kumuhereza umupira muvandimwe….Ahanganye natwe.”

Umutoza Zidane wahuye n’itangazamakuru avuga ku mukino wa Real Madrid na Huesca,yavuze ko aba bombi bamaze gukemura iki kibazo bari bafitanye.

Yagize ati “Ndatekereza ko mwese mwabonye imikino myinshi,biriya ni bimwe mu tuntu duto dukunze kubaho ku bakinnyi bakinana mu kibuga.

Ibyabaye byarabaye kandi byararangiye.Biriya n’ibintu bisanzwe bibaho mu mupira.Iyo uri gukina umukino urimo guhangana cyane,ushobora kubwira umuntu ikintu kidakwiriye.

Zidane yakomeje agira ati “Habaye ibiganiro hagati yabo,ubu byararangiye.Twagiye mu bindi.Ndabizi ko byatumye benshi bacika ururondogoro.Biriya bigaragaza guhangana kuba kuri mu ikipe.”

Ikinyamakuu Marca nacyo kibogamira cyane kuri Real Madrid cyatangaje ko aba bakinnyi bombi biyunze nyuma y’aho Benzema yegereye uyu rutahizamu ukiri muto w’umunya Brazil amusaba imbabazi.

Real Madrid yatangiye nabi muri UEFA Champions League y’uyu mwaka,kuko ifite inota rimwe mu mikino 2 imaze gukina,irimo uwo yatsindiwe mu rugo na Shakhtar Donetsk ibitego 3-2.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umutoza Mikel Arteta yahishuye ikibazo nyamukuru ikipe ya Arsenal ifite...

Ikipe ya Arsenal yaraye itsinzwe umukino wa 5 muri shampiyona y’Ubwongereza...
30 November 2020 Yasuwe: 1709 0

Messi ashobora guhombya FC Barcelona kubera ibyo yakoze yibuka...

Kizigenza Lionel Messi wa FC Barcelona ashobora gutuma iyi kipe ye icibwa...
30 November 2020 Yasuwe: 2579 0

’Yacenze abakinnyi benshi b’Ubwongereza mu buryo bumeze nk’ubufindo...

Umusifuzi wo muri Tunisia wasifuye umukino Ubwongereza butazibagirwa...
30 November 2020 Yasuwe: 1100 0

Jose Mourinho yapfobeje abakinnyi be mu rugamba rwo gushaka igikombe cya...

Umutoza wa Tottenham,Jose Mourinho yatangiye gukina imikino ye isekeje mu...
30 November 2020 Yasuwe: 1536 0

AS Kigali yatsinzwe umukino ubanza wa CAF Confederations Cup

Ikipe ya AS Kigali ihagarariye u Rwanda mu mikino ya CAF Confederations Cup...
29 November 2020 Yasuwe: 3192 0

Djabel yahishuye ibintu 2 bizafasha APR FC gusezerera Gor Mahia

Umukinnyi Manishimwe Djabel ukina afasha ba rutahizamu gutsinda ibitego...
29 November 2020 Yasuwe: 2594 1