Ibitego bya Nshuti Innocent na Rusheshangoga Michel bifashije ikipe ya APR FC gutsinda Sunrise FC 2-1, bagira amanota 17 mu mikino irindwi, hari mu mukino w’umunsi wa munani wa shampiyona wabereye kuri stade ya Kigali.
Nshuti Innocent yafunguye amazamu ku munota wa 14 w’umukino ku mupira yahawe na Benedata Janvier, acenga ba myugariro batatu b’ikipe ya Sunrise FC.
Amakipe yombi yakinnye asatirana, abona uburyo butandukanye bwaje guhira Sunrise FC ku munota wa 76 w’umukino, ubwo umuzamu (...)

Sponsored Ad

Ibitego bya Nshuti Innocent na Rusheshangoga Michel bifashije ikipe ya APR FC gutsinda Sunrise FC 2-1, bagira amanota 17 mu mikino irindwi, hari mu mukino w’umunsi wa munani wa shampiyona wabereye kuri stade ya Kigali.

Nshuti Innocent yafunguye amazamu ku munota wa 14 w’umukino ku mupira yahawe na Benedata Janvier, acenga ba myugariro batatu b’ikipe ya Sunrise FC.

Amakipe yombi yakinnye asatirana, abona uburyo butandukanye bwaje guhira Sunrise FC ku munota wa 76 w’umukino, ubwo umuzamu Ntaribi Steven yasohokaga agacengwa n’umukinnyi wa Sunrise FC wahinduye umupira mu izamu, Sinamenye Cyprien akawuterana abakinnyi batatu ba APR FC, 1-1.

Sunrise yabonye uburyo bubiri batabyaje umusaruro kugeza ubwo Rushashangoga Michel yatsindiraga APR FC igitego cy’intsinzi ku ishoti rikomeye yatereye inyuma y’urubuga rw’amahina ku munota wa 90 w’umukino.

Rayon Sports ifite 22 ku mwanya wa mbere, APR FC ifite 17 inganya na Police FC bakazigama ibitego 6 na 5.

Mu yindi mikino yabaye, Espoir FC yatsindiye Kirehe FC iwayo 1-0 cya Nkurunziza Felicien, , Etincelles yatsindiwe na Kambale Salita Gentil itsindwa 3-1 na Kiyovu Sports yatsindiwe na Jean Claude Nizeyimana watsinze bibiri n’icya Mustafa Francis.

Bugesera FC yatsindiwe na Nzabanita David na Ruhinda Farouk, yatsinze Amagaju 2-1 cya Bokatola Yves.