Ikipe ya APR FC yanganyije na Muhazi United y’abakinnyi 10 igitego 1-1 mu mukino w’Umunsi wa 25 wa Shampiyona waberaga i Nyamirambo.

Sponsored Ad

Muhazi United yari yahembye amezi abiri abakinnyi bayo mbere y’uyu mukino ngo bazitware neza, yabanje igitego ariko APR FC iracyishyura.

Ku munota wa 54 nibwo Uwumukiza Obed,yatsindiye Muhazi United igitego,nyuma yo kuroba Umunyezamu Pavelh Ndzila.

APR yahise yatsa umuriro kuri Muhazi ishaka kwishyura, ibigeraho ku munota wa 69, gitsinzwe na Victor Mbaoma n’umutwe.

Iki ni igitego cya 13 kuri uyu rutahizamu.

Ndayishimiye Richard wa Muhazi United yahawe ikarita y’umutuku ku munota wa 86.

Nubwo APR FC yagerageje gushaka uko itsinda uyu mukino, warangiye amakipe agabanye amanota.

Ikipe y’Ingabo igize amanota 59, irusha Rayon Sports ya kabiri amanota 11 mu gihe hasigaye imikino itanu.

Mu yindi mikino yabaye kuri iki Cyumweru, Sunrise FC yatsinzwe na AS Kigali ibitego 2-0 naho Bugesera FC inganya na Etincelles FC ibitego 2-2.

Urutonde:

1. APR FC 59 Pts
2. Rayon Sports 48 Pts
.
.
12. Gorilla FC 26 Pts (-7)
13. Etincelles FC 26 Pts (-8)
14. Sunrise FC 26 Pts (-10)
15. Bugesera FC 24 Pts
16. Etoile De L’Est 22 Pts