Ikipe ya Gor Mahia yo muri Kenya ikinamo abanyarwanda 4, Jacques Tuyisenge, Abuba ,Kagere Meddy na Migi, n’umurundi Kalim Nizigiyimana Makenzi, yamaze kwereka umuryango usohoka abakinnyi bayo bagera ku 10, gusa muri aba banyarwanda ndetse n’uyu murundi nta numwe urimo mubo basezereye.
Byavugwaga ko umukinnyi Abuba Sibomana na Makenzi ari abakinnyi bashobora gusohoka muri iyi kipe, gusa kugeza ubu ntibagaragara ku rutonde rw’abakinnyi basezerwe n’iyi kipe, ibi byaba bivuze ko iyi kipe yaba (...)

Sponsored Ad

Ikipe ya Gor Mahia yo muri Kenya ikinamo abanyarwanda 4, Jacques Tuyisenge, Abuba ,Kagere Meddy na Migi, n’umurundi Kalim Nizigiyimana Makenzi, yamaze kwereka umuryango usohoka abakinnyi bayo bagera ku 10, gusa muri aba banyarwanda ndetse n’uyu murundi nta numwe urimo mubo basezereye.

Byavugwaga ko umukinnyi Abuba Sibomana na Makenzi ari abakinnyi bashobora gusohoka muri iyi kipe, gusa kugeza ubu ntibagaragara ku rutonde rw’abakinnyi basezerwe n’iyi kipe, ibi byaba bivuze ko iyi kipe yaba ikibakeneye.

Abuba na Makenzi byavugwaga ko bari mu biganiro na Rayon Sports, ndetse nayo ikabyemeza dore ko yanabatanze ku rutonze rw’abakinnyi izifashisha mu mikino nyafurika, gusa amakuru ava muri Kenya ni uko ikipe ya Gor Mahia yamaze kongerera Makenzi amasezerano y’imyaka 2 n’ubwo batarabitanza ku mugaragaro.

Makenzi amakuru aturuka muri Kenya aravuga ko yamaze kongera amasezerano muri Gor Mahia

Ku ruhande rwa Abuba kuba atasohotse kuri uru rutonde, nawe hari amahirwe menshi ko yayigumamo, dore ko n’umunyamabanga w’iyi kipe ahertse gutangaza ko Abuba ari mu bakinnyi Gor Mahia igikeneye.

Abuba bivugwa ari mu biganiro na RAyon Sports

Ibi byaba bivuze ko Rayon Sports yaba ihuye n’igihombo gikomeye kuko yariri mu biganiro n’aba basore nk’uko yabivugaga kandi yari inabakeneye.

Abakinnyi basezerewe n’ikipe ya Gor Mahia barangajwe imbere na kapiteni w’iyi kipe Jerry Onyango,Chrispin Odula, Baron Jobita, Jackson saleh, Luke Ocheing, Gradus Ocheing, Sammy okinda,Ronald Omino, Bernard Odhiambo na Jacb Keli.