skol
Kigali
startimes

Bruce Melodie yagowe no gusubiza Mariya Yohana wamubajije impamvu asigaye aririmba indirimbo zuzuyemo ibishegu

Imyidagaduro   Yanditswe na: Dusingizimana Remy 16 October 2020 Yasuwe: 15961

Umuhanzi Bruce Melodie uhagaze neza kurusha abandi bose bakorera umuziki mu Rwanda muri iki gihe,yananiwe gusubiza ikibazo cy’Umuhanzikazi ufite ubunararibonye mu muziki, Mariya Yohana wamubajije impamvu asigaye aririmba indirimbo zuzuyemo amagambo ashyigikira ubusambanyi azwi nk’ibishegu.


Mu kiganiro cyanyuze kuri Isibo TV, uyu muhanzi yari yasuye Mariya Yohana baganira ku ngingo zitandukanye ndetse babazanya ibibazo by’amatsiko haba ku muziki wabo ndetse n’ibindi bibazo byo mu buzima busanzwe.

Mariya Yohani yabajije Bruce Melodie impamvu asigaye aririmba indirimbo zirimo ibishegu muri iki gihe.

Ati “Indirimbo usigaye uririmba muri iki gihe… zaduteye gusakuza nk’abantu bakuru tuti ese uriya mwana araririmba ibiki, tukifata gutya [yifashe ku munwa nk’umuntu wumiwe], tukayoberwa…. Ngaho mbwira !”

Bruce Melodie wabaye nk’ugowe no gusubiza iki kibazo yabanje kubwira Mariya Yohani ko ziriya ndirimbo yaziretse yagiye mu bindi gusa aza kuvuga ko ikibazo bagira nk’abahanzi b’uyu munsi ari uko badafite abababanjirije benshi bo kureberaho no kwigiraho.

Yagize ati “Ziriya ndirimbo rero […] Ziriya ndirimbo ubundi naranaziretse, nari mfite nkeya nananiwe no guhimba izindi nkazo, ubu rero nagiye mu bindi.

Nyine urumva biranagoye, abantu batubanjirije muri bake cyane kandi namwe uba ubona muri mu zindi nshingano cyane kuruta umuziki, rero ntabwo dufite abantu benshi bo kwigiraho.

Kuba umuhanzi yagwa mu ikosa birashoboka ahubwo kutabimenya nicyo kibazo, naho kugeza ubu namenye ibyo aribyo, narasobanukiwe cyane.”

Mariya Yohani yanasabye Bruce Melodie gukomeza kuririmba indirimbo nziza zirimo amagambo y’urukundo ariko akirinda gukoresha mu mashusho abakobwa bambaye utwenda tugufi cyangwa indi myambaro ishobora kugaragaza ibice by’ibanga ku mibiri yabo.

Umunyamabanga wa Leta muri Minisiteri y’Urubyiruko n’Umuco, Bamporiki Edouard,aherutse gutangaza ko Bruce Melodie ari umwe mu bahanzi bakunzwe mu gihugu ariko arebye nabi ashobora kwisanga abakunzi be bamushizeho mu gihe yaba akomeje kuririmba ibishegu.

Yagize ati”Iyo umuntu ahisemo gutanga ubutumwa bwamamaza ubusambanyi, ubundi ni agahomamunwa. Tuba twagize ibyago. Ubusambanyi rero burahanirwa, mu muco wacu ntitubwamamaza. Sinshobora kuba ndi muri Minisiteri ngo ishyigikire, itere inkunga umuhanzi wamamaza ubusambanyi, nasezera.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Muvunyi

    Mwaramutse,

    Turasaba minisiteri y’urubyiruko gushiraho , equipe yigenzura indirimbo zabahanzi, mbere ko isohoka.
    Bizafasha abahanzi gukorera mu muco.

    Murakoze
    Tel: 0782686020

    3 months ago
  • chat_bubble

    Byo birakabije pe noneho abakobwa Bo akoresha mu ndirimbo bamazeho,ntakubeshye naramukundaga bisigaye binanira no kureba indirimbo ze

    3 months ago

Inzindi nkuru

Donald Trump yababariye Lil Wayne n’abandi bantu 140 mbere yo kuva ku...

Perezida Donald Trump mu masaha ye ya nyuma ku butegetsi yahaye imbabazi...
20 January 2021 Yasuwe: 4200 0

Uwahoze azwi nka se wa Diamond Platnumz yatakambiye abanya Tanzania abasaba...

Muzehe Abdul Djuma waherukaga guca ibintu ubwo byatangazwaga ko atari we...
19 January 2021 Yasuwe: 6226 0

Ronaldinho yashyize hanze amashusho y’indirimbo ye ari kumwe n’ibizungerezi...

Uwahoze ari umukinnyi ukomeye mu ikipe ya FC Barcelona,PSG,AC Milan n’izindi...
15 January 2021 Yasuwe: 5463 0

Umuhanzi Emmy yambitse impeta umukunzi we mu birori bakoze bonyine...

Umuhanzi Emmy usanzwe akorera umuziki muri Leta Zunze Ubumwe za Amerika ari...
13 January 2021 Yasuwe: 5605 0

Umukobwa wa Eminem yongeye guca ibintu kubera ifoto yashyize hanze aha...

Umukobwa wa Eminem witwa Hailie Mathers yaciye ibintu kubera amafoto...
13 January 2021 Yasuwe: 6103 0

Uwicyeza Pamella yongeye gutera The Ben imitoma ku isabukuru...

Uwicyeza Pamella bivugwa ko ari mu rukundo rw’ibanga na The Ben yongeye...
10 January 2021 Yasuwe: 4913 0