addresiya
Kigali
startimes

Safi Madiba yagaragaje uburenganzira afite ku ndirimbo ze yari yarambuwe

Imyidagaduro   Yanditswe na: Martin Munezero 6 January 2020 Yasuwe: 1466

Niyibikora Safi wamenyekanye muri muzika nyarwanda nka Safi Madiba yandikishije ibihangano bye muri RDB nyuma y’uko The Mane Music Label yari imaze igihe itangaje ko Safi atemerewe gukoresha ibihangano bye kubera ko impande zombi zitacyumvikana ndetse zitanagikorana.



Ku wa 20 Ukuboza 2019 ubuyobozi bwa The Mane Music Label ihagarariwe na Mupenda Ramadhan [Bad Rama] bwashyize hanze itangazo rihagarika ikoreshwa ry’ibihangano bya Safi Madiba haba mu bitangazamakuru, utubyiniro n’ahandi hose kubera ko uyu muhanzi atakibarizwamo ndetse ngo yari yishe ibikubiye mu masezerano bari baragiranye.

Ubu amakuru ahari ni uko Safi na we yamaze kwandikisha ibihangano bye mu kigo cy’Igihugu cy’Iterambere (RDB), nk’ikimenyetso cy’uko ari umutungo we bwite mu by’ubwenge kandi ko azifiteho uburenganzira busesuye.

Mu itangazo yashyize hanze yageneye ibitangazamakuru, abategura ibitaramo n’abafana muri rusange, Safi Madiba, yongeye gushimangira ko atakibarizwa muri ‘Label’ ya The Mane nk’uko yabitangaje ku wa 17 Ukuboza 2019. Yavuze ko ashima urugendo yakoranye na The Mane kuva mu 2017 agitandukana na bagenzi be bari bahuriye mu itsinda rya Urban Boys ndetse n’ibyo bagezeho bari kumwe.

Yavuzemo ko afite uburenganzira ku ndirimbo ze ndetse ko yamaze kuzandikisha nk’umutungo we mu kigo cy’Igihugu cy’Iterambere (RDB).

Safi Madiba yashimangiye ko afite uburenganzira bwo kuziririmba kuzigurisha ku mbuga zitandukanye zicururizwaho umuziki nk’uko abyifuza.

Ubuyobozi bwa The Mane bwari bwahaye Safi Madiba amasaha 24 yo kuba yasibye kuri YouTube indirimbo aherutse gukora yitwa “Ntimunywa” kuko yumvikanamo izina rya The Mane kandi akabikora batarabyumvikanye. Safi ntabyo yigeze akora.

Indirimbo bigaragara ko Safi yandikishije ni ‘My Hero’ , ‘Igifungo’, ‘Good Morning’, ‘Original’, ‘Nisamehe’, ‘Kimwe kimwe’ ndetse na ‘Kontwali’.






Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi yahagaritse igitaramo cya Tuff Gangs cyacaga kuri You Tube kubera...

Abaraperi bagize itsinda rya Tuff Gangs riri mu yazanye Hip Hop mu Rwanda...
24 May 2020 Yasuwe: 1232 0

Biravugwa ko umugabo wabyaranye na Juliana Kanyomozi ari umunyarwanda...

Ibinyamakuru byo muri Uganda byakoze iperereza ryimbitse ku mugabo waba...
14 May 2020 Yasuwe: 12791 2

Umuhanzi nyarwanda ukorera umuziki muri Amerika yashyize hanze Mixtape...

Shema Shikiro Richard umunyarwanda uba muri Amerika ukoresha izina...
8 May 2020 Yasuwe: 1307 0

Eminem amaze ukwezi afungiye mu nzu ye umuntu wamuteye

Uhagarariye Eminem yabwiye BBC ko uyu muraperi wo muri Leta Zunze Ubumwe...
2 May 2020 Yasuwe: 3159 0

Zari yandagaje Diamond Platnumz amushinja kwanga kwita ku bana yabyaye...

Icyamamare ku mbuga nkoranyambaga Zari Hassan yatangaje ko anenze ku...
27 April 2020 Yasuwe: 2926 0

Ykee Benda yabwiwe ko azamenwa impanga kubera umunyamakurukazi ukundana...

Umuhanzi ukomeye muri Uganda witwa Wycliffe Tugume uzwi cyane nka Ykee...
27 April 2020 Yasuwe: 3081 0