Kigali

The Ben yakoranye indirimbo na Hagenimana Fabien ufite ubumuga bwo kutabona

Imyidagaduro   Yanditswe na: Martin Munezero 29 December 2019 Yasuwe: 1196

Umuhanzi Mugisha Benjamin [The Ben], yatangaje ko umutima we unyuzwe nyuma yo gushyira akadomo ku mushinga w’indirimbo yakoranye na Hagenimana Fabien ufite ubumuga bwo kutabona usanzwe ufite indirimbo eshatu.



Iyi ndirimbo The Ben yakoranye na Fabien yakozwe mu ijoro ry’uyu wa Gatanu tariki 27 Ukuboza 2019 na Producer Knoxbeat muri Monster Records.

Uyu muhanzi yanditse kuri konti ya instagram anagaragaza amashusho ari kumwe na Fabien n’abandi muri ‘studio’.

Iyi ndirimbo bayise ‘Uri ibyiringiro’. Avuga ko ishingiye ku kugarura ‘icyizere’ mu buzima kandi ko biteguye kuyiririmbira abafana babo mu gitaramo cya East African Party kizaba kuwa 01 Mutarama 2020 muri Kigali Arena.



The Ben yashimye buri wese wagize uruhare kugira ngo iyi ndirimbo ikorwe. Muri iyi ndirimbo The Ben aririmba agira ati “…Uri ibyiringiro! Ntawakwizeye ngo akorwe n’isoni, oya! Uri ibyiringiro.”

Benshi mu bakurikira The Ben ku rubuga rwa Instagram, bavuze ko bategerezanyije amatsiko iyi ndirimbo, abandi bamusabira umugisha ku bwo kwitanga agakorana indirimbo na Fabien wabimusabye.

Ukoresha izina rya Fiston8.-Official kuri instagram, yanditse ati ‘Umutima ugira Imana ijye iguha gutera imbere muri byose’. Ni mu gihe Sherrie Silver we yavuze ko yiteguye kumva iyi ndirimbo.

Kuwa 24 Nzeri 2019 TV10 yagiranye ikiganiro kirambuye na Hagenimana Fabien wavuze ko ari umuririmbyi ukoresha gitari wavukiye mu karere ka Huye ubu akaba abarizwa mu Mujyi wa Kigali.



Fabien yavuze ko yatangiye kwiga gucuranga gitari mu 1995 kandi ko ari urugendo yafatanyije no kwiga n’ibindi bicurangisho by’umuziki harimo na ‘Piano’.

Yavuze ko yavukanye ubumuga bwo kutabona ariko ko yakuranye urukundo rw’umuziki. Fabien yavuze ko akunda ibihangano bya The Ben kandi ko yifuza guhura nawe akamukora mu ntoki.

Ati “…Umuhanzi witwa The Ben indirimbo ze buriya ndazikunda cyane. The Ben (...) mwamubwira muti ‘hari umuntu witwa Fabien ukina gitari’ uti ‘indirimbo zawe arazikunda cyane’.

“Umuziki wawe arawukunda. Niyo agiye kuryama kenshi ni wo akunda kumva, ‘ukomeze utere imbere’.

Mu byifuzo bye harimo ko ahuye na The Ben yamusaba ko bakorana indirimbo, ahamya ko afite ijwi ryihariye.

Ubutumwa bwe bwageze kuri The Ben wavuze ko azahura na Fabien. Ibitekerezo bya benshi mu bafana bamusabye ko bakorana indirimbo nawe abasezeranya ko azabishyira mu bikorwa.

Mu gitondo cyo ku wa Gatanu tariki 27 Ukuboza 2019 nibwo The Ben yageze i Kigali mu bamwakiriye harimo na Fabien. Uyu muhanzi yafashwe n’ikiniga avuga ko bahita bakorana indirimbo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Huye:Rasmuda yakoze indirimbo “Umucyo” yibutsa Ikiremwamuntu aho...

Umuhanzi uririmba ariko akanacuranga injyana ya Reggae , Rasmuda yashyize...
27 March 2020 Yasuwe: 930 0

Tiwa Savage yiyemeje gukoresha ibikinisho byifashishwa mu gutera akabariro...

Umuhanzikazi Tiwatope Savage wamenyekanye nka Tiwa Savage w’imyaka 40...
21 March 2020 Yasuwe: 10142 0

Icyamamare mu njyana ya Country Kenny Rogers yitabye Imana

Umuhanzi wakunzwe mu njyana ya Country guhera mu mwaka wa 1970 kugeza...
21 March 2020 Yasuwe: 1944 1

Umuhanzi Aurlus Mabele wari ukomeye muri Congo Brazza yahitanywe na...

Umuhanzi ukomoka mu gihugu cya Congo Brazzaville witwa Aurlus Mabele...
20 March 2020 Yasuwe: 2378 1

Diamond Platnumz yishumbushije ikizungerezi gifite uburanga buhebuje...

Umuhanzi ukunzwe cyane muri aka karere Diamond Platnumz yagaragaye ari mu...
16 March 2020 Yasuwe: 7773 4

Kitoko yashyize hanze ifoto ari gusomana byimbitse n’umukobwa bikekwa ko...

Umuhanzi w’umunyarwanda Kitoko Bibarwa yashyize kuri konti ye ya...
11 March 2020 Yasuwe: 5804 3