Perezida Trump yavuganye na Buhari wa Nigeria amutumira I Washington
Perezida wa Leta Zunze Ubumwe z’ Amerika, Donald Trump kuri uyu wa Mbere tariki ya 13 Gashyantare 2017 yavuganye kuri telephone na Perezida wa Nigeria, Muhammadu Buhari ari i Londres mu Bwongereza.
Perezida Buhari yashimiye Donald Trump watorewe kuba Perezida wa Leta Zunze Ubumwe z’ Amerika anashima Leta ayoboye.
Abo bategetsi babiri baganiriye uburyo bwo gukomeza ubufatanye mu rugamba rwo kurwanya iterabwoba biciye mu kuronka ibikoresho bikenewe.
Perezida Trump yasabye Perezida Buhari gukomeza ibikorwa byiza arimo gukora. Trump kandi yashimiye Buhari kuba yarabashije gutabara abagore 24 bari barafashwe bugwate na Boko Haram mu mujyi wa Chibok anashima intambwe igisirikare cya Nigeria kimaze gutera.
Perezida Trump yahumurije Perezida Buhari amubwira ko Leta zunze ubumwe z’ Amerika ziteguye gusinyana na Nigeria amasezerano mashya yo guha Nigeria itwaro zizayifasha kurwanya iterabwoba.
Perezida Trump yanatumiye Perezida Buhari i Washington ku italiki aba bategetsi bombi bazumvikanaho.
Perezida wa Nigeria, Muhammadu Buhari, ntabwo arava mu Bwongereza kuva tariki 19 Mutarama 2017 ubwo yajyaga muri iki gihugu agiye kwivuza.
Byari biteganyijwe ko nyuma yo kuvugana na Perezida Buhari, Perezida Donald Trump, avugana na Perezida wa Afrika y’Epfo, Jacob Zuma.
Perezida wa Nigeria Buhari yavuganye na Donald Trump ari I Londres mu Bwongereza