Ikipe ya REG BBC mu nzira yo gutwara igikombe cya shampiyona ku nshuro ya mbere
Nyuma y’aho ikipe ya APR BBC itsindiye ikipe ya Patriots yotsaga igitutu ikipe y’ikigo gishinzwe gutanga ingufu z’amashanyarazi REG BBC amanota 65 kuri 61 kuri ubu ikipe ya REG BBC yahise ijya mu murongo mwiza wo gutwara igikombe cya shampiyona ku nshuro yayo ya mbere.
Kuri uyu wa gatandatu nibwo abakunzi ba REG BBC baraye bamwenyura nyuma y’uko mukeba wabo bari bahanganye bikomeye atakaje amahirwe yo gukomeza kubakurikira mu isiganwa ryo guhatanira igikombe cya shampiyona aho umutoza wa REG BBC na bamwe mu bakinnyi bayo barebye uyu mukino APR BBC yihanijemo Patriots nyuma yaho bo bari bamaze kwihaniza ikipe ya UGB BBC ku manota 75 kuri 48.
Ikipe ya REG BBC isa nimaze kwizera gutwara igikombe nyuma yo gutsinda ikipe ya IPRC Kigali amanota 87-62 kuri iki cyumweru.Agace ka mbere karangiye itsinzwe na IPRC Kigali amanota 15 kuri 16 agace ka kabiri yagatsinze ku manota 27 kuri 14,aka gatatu katsinzwe na IPRC Kigali ku manota 21 kuri 17 ya REG aka nyuma REG BBC yihaniza IPRC Kigali ku manota 28 kuri 11.
Ikipe ya REG BBC irasabwa gutsinda umukino umwe muri 2 isigaje igahita itwara igikombe cya shampiyona uyu mwaka.
Uko imikino yagenze mu mpera z’iki cyumweru:
Kuwa Gatanu tariki 16 Kamena 2017
Espoir BBC 73-75 IPRC Kigali BBC
UGB 72-58 Trente Plus BBC
Kuwa Gatandatu tariki 17 Kamena 2017
CSK BBC 42-107 IPRC South BBC
REG BBC 75-48 UGB
APR BBC 65-61 Patriots BBC
Ku Cyumweru tariki 18 Kamena 2017
REG BBC 87-62 IPRC Kigali BBC