URWENYA:Umupasiteri mu rusengero ati "Imyaka myiza y’ubuzima ni iyo namaze ndi mu maboko y’umugore utari uwanjye
IFOTO:Internet
Ni kenshi twumvise inkuru za ba pasiteri zitandukanye, ariko iyi yo ni urwenya kuko uwo mu Pasiteri atazwi.
Dore uko iyo nkuru ya pasiteri yifashe, Pasiteri yabwirije mu rusengero abantu benshi barafashwa abandi bajya mu mwuka ageze aho ati : Ikintu nemeza ntashidikanya, ni uko imyaka myiza y’ubuzima bwanjye ari iyo namaze ndi mu maboko y’umugore utari uwanjye !.
Abakirisitu bari aho bose barumirwa bagwa mu kantu batangira kurebana, no gutokesha satani mu mitima yabo.
Nuko hashize akanya yongeraho ngo uwo mugore mvuga ni mama wambyaye ! amashyi ngo kaci kaci, haleruya, ziba nyinshi karahava.
Umugabo umwe wari uri muri iryo teraniro, atashye nawe ashaka kuvuga nk’ibyo pasiteri yavuze, yegera umugore we, wari ugiye gusonga ubugari mu gikoni aratangira.
Akivuga ko imyaka myiza y’ubuzima bwe ari iyo yamaze mu maboko y’umugore utari uwe, umugore yahise amusukaho ya mazi yari agiye gusongamo ubugari, umugabo yakangukiye kwa muganga barimo kumuvura ubushye kubera urwiganwa.
Comments
CRENIE 10 October 2023
UWOMUGABOARABABAJEPE
IRADUKUNDA Fabrice 18 September 2023
Ibintu byabaye kuri uwomugabo birababaje pe!
ariko n’uwomugore
yarahubutse rwose
Ndayishimiye Felicien 22 January 2023
Birababaje pe!
Niyonsenga taustin 26 November 2022
Uwo mugabo ya zize ubusa.
Hagenimana fabrice 26 December 2020
Muduha amakuru meza atwubaka mukomereze aho turabemera cyane.