Adrien, Mbonyi na Serge bahuriye mu gitaramo gikomeye muri Mozambique-AMAFOTO
Abahanzi mu ndirimbo zo kurumya no guhimbaza Imana, Adrien Misigaro, Israel Mbonyi na Serge Iyamuremye bari kubarizwa mu mujyi wa Maputo mu gihugu cya Mozambique aho bagiye gukorera igitaramo ku itariki ya 03 Kanama uyu mwaka.
Mbere yo guhaguruka mu Rwanda, Adrien yabwiye ikinyamakuru Umuryango.rw ko azava mu Rwanda ari kumwe na Israel Mbonyi bagiye gufasha mugenzi wabo usanzwe uba muri Mozambique, Serge Iyamuremye mu gitaramo yateguye.
Ngo ni igitaramo gihurije hamwe abanyarwanda ndetse n’inshuti zabo basanzwe batuye muri Mozambique. Amafoto yashyizwe hanze n’abahanzi b’abanyempano agaragaza Serge yagiye kubakira ku kibuga cy’indege I Maputo.
- Israel Mbonyi akigerayo yahise ajya mu kiganiro n’itangazamakuru
Israel na Adrien bavuye mu Rwanda bakoze igitaramo cy’amateka cyabahuje na Patient Bizimana cyabereye muri Serena Hotel aho abagera ku bihumbi 2 basizwe amavuta bisenderezwa n’ubutumwa bw’Imana bahumviye.
Mu kiganiro nanone, Adrien yahaye Umuryango.rw yanasobanuye kubyerekeye indirimbo bivugwa ko azakorana na Israel ndetse na Patient Bizimana.Misigaro wakoranye n’abahanzi bakomeye barimo The Ben na Meddy, yavuze ko ari umushiga batekerejeho ariko bataranoza neza.
- Serge Iyamuremye, ati "Nongeye guhura n’umuvandimwe Imana ishimwe."
Bakigera muri Maputo, bakoze imyitozo uko ari batatu, bacurangiwe na Israel Mbonyi bateguye uko gitaramo kizaba kimeze nk’uko amwe mu mashusho bashyize hanze abigaragaza.
- Israel Mbonyi ati "Nageze mu mujyi wa Maputo badufashe neza.’
Published on Mar 9, 2017...The Official Music Video of Buri Munsi performed by Gentil Misisgaro and Adrien Misigaro.....Directed by Cedric....© PressOne Ent. 2017
Published on May 12, 2017....Artist : Israel MBONYI....Song : SINZIBAGIRWA....Album : INTASHYO
Published on May 26, 2017...Song: Ndakwizera....Artist: Serge Iyamuremye...Afrifame music 2017