Umuhanzikazi mu ndirimbo zo kuramya no guhimbaza Imana, Aline Gahongayire yamuritse amashusho y’indirimbo nshya yise ‘Ni yo yabikoze’. Iyi ndirimbo nayo ikubiye kuri album nshya yise ‘New woman’ ari gutunganya igomba kujya hanze mu mpera z’uyu mwaka.
‘Ni yo yabikoze’ yanditswe umwaka ushize na Issa Karinijabo. Yumvikanamo amagambo agarura icyizere ubundi ukumvamo amagambo y’ubuhamya wakwigiraho nawe ugakomeza gutera intambwe.
Amajwi y’iyi ndirimbo yatunganyijwe na Clement Ishimwe wo muri Kina Music.Producer Meddy Saleh yagize uruhare runini mu ifatwa ry’amashusho yayo ari nawe ukunze kumukorera.