Uyu munsi taliki ya 24 Kanama nibwo UEFA yatangaje uko amakipe ateganyijwe guhurira mu matsinda y’imikino y’amakipe yabaye aya mbere iwayo ku mugabane w’I Burayi“UEFA Champions League” y’umwaka wa 2017-2018.
Nkuko biba byitezwe muri iyi mikino amakipe y’ibigugu akunze guhurira mu itsinda rimwe aho kuri ubu ikipe ya Bayern Munich yisanze mu itsinda rimwe na Paris Saunt Germain rya B mu gihe Chelsea na Atletico Madrid nabyo biri kumwe mu itsinda C naho Juventus yageze ku mukino wa nyuma w’irushanwa riheruka iri mu itsinda rya D aho iri kumwe na FC Barcelona.
Muri rusange amakipe ahagarariye Ubwongereza yatomboye neza uretse ikipe ya Tottenham iri mu itsinda H ihuriyemo na Real Madrid.
Uko Amakipe yashyizwe mu matsinda
Uko amakipe yahuriye mu matsinda
Itsinda A: Benfica, Manchester United, FC Basle, CSKA Moscow
Itsinda B: Bayern Munich, Paris Saint-Germain, Anderlecht, Celtic
Itsinda C: Chelsea, Atletico Madrid, Roma, Qarabag
Itsinda D: Juventus, Barcelona, Olympiacos, Sporting Lisbon
Itsinda E: Spartak Moscow, Sevilla, Liverpool, Maribor
Itsinda F: Shakhtar Donetsk, Manchester City, Napoli, Feyenoord
Itsinda G: Monaco, Porto, Besiktas, RB Leipzig
Itsinda H: Real Madrid, Borussia Dortmund, Tottenham, Apoel
Amataliki y’imikino y’Amatsinda
Umukino w’umunsi wa 1: Taliki ya 12-13 Nzeri 2017
Umukino w’umunsi wa 2: Taliki ya 26-27 Nzeri 2017
Umukino w’umunsi wa 3: Taliki ya 17-18 Ukwakira 2017
Umukino w’umunsi wa 4: Taliki ya 31 Ukwakira- 1Ugushyingo 2017
Umukino w’umunsi wa 5: Taliki ya 21-22Ugushyingo 2017
Umukino w’umunsi wa 6: Taliki ya 5-6 Ukuboza 2017
Nyuma y’iki gikorwa hakurikiyeho gutora umukinnyi witwaye neza mu bagore igihembo cyegukanywe n’umuholandikazi Lieke Martens ukinira ikipe ya FC Barcelona .
Mu bagabo iki gihembo cyegukanwe na Cristiano Ronaldo wigaranzuye Lionel Messi na Gianluigui Buffon.
Umunyezamu w’umwaka : Gianluigui Buffon (Juventus).
Myugariro mwiza w’umwaka: Sergio Ramos (Real Madrid)
Umukinnyi mwiza wo hagati :Luka Modric (Real Madrid)
Rutahizamu w’umwaka :Cristiano Ronaldo (Real Madrid)