Rayon Sports igiye gutora ubuyobozi bushya
Ikipe ya Rayon Sports yiteguye gutora ubuyobozi bushya mu nama y’inteko rusange iteganyijwe ku italiki ya 17 Nzeri uyu mwaka nkuko ibaruwa banditse ku munsi w’ejo taliki ya 04 Nzeri 2017 batumira abanyamuryango bayo bose ibivuga.
Iyi kipe isanzwe iyoborwa n’umuryango mu rwego rw’amategeko,ari nawo wanditse iyi baruwa watangaje ko witeguye ko kuri iyi taliki ariho hateganyijwe amatora y’abagize komite cyane ko iyari ihari yari iy’agateganyo nyuma yo kutumvikana kwabaye muri komite 3 zari zisanzwe ziyobora Rayon Sports.
Nk’uko iyi baruwa yandikiwe abanyamuryango bose ba Rayon Sports, igashyirwaho umukono na Ngarambe Charles usanzwe ari umuyobozi w’inama y’ubutegetsi ibitangaza,Ku cyumweru taliki ya 17 Nzeri 2017 hazabaho amatora azemeza ubuyobozi bushya bugomba kuyobora Rayon Sports.
Iyi nama iteganyijwe kuzabera kuri Sport View hotel.
