Amerika yatangaje ko yishe abarwanyi 6 ba Al shabab
Igitero cy’indege z’ingwano za Leta Zunze Ubumwe z’Amerika kuri uyu wa gatatu cyishe intagondwa z’Abayislamu batandatu mu majyepfo y’igihugu cya Somaliya. Ibyo byatangajwe n’igisirikare cya Amerika.
Icyo gitero cyabaye hafi y’ibilometero Magana abiri na mirongo itandatu mu mujyepfo y’umurwa mukuru wa Mogadisho. Nta bindi birenga ngaho byatangajwe.
Icyo gitero cyagizwe n’igisirikare cya Amerika gifatanije na Leta ya Somaliya.
Igitero cyo kuri uyu musi ku wa gatatu kibaye icya cumin na kabiri Amerika igabwe kuri uyu mutwe w’iterabwoba Al-Shabab muri Somaliya kuva ku italiki imwe y’ukwezi kwa Nyakanga.
Muri Nyakanga uyu mwaka igisirikare cya Amerika cyagize ibitero bibiri bitandukanye by’indege zitagira abadereva byahitanye abarwanyi bane ba Al-Shabab.
Ku musi wa mbere, abantu cumi na batandatu barishwe, benshi muri bo abasirikare ba Leta, igihe abarwanyi ba Al-Shabab bagira igitero mu gace ka Beled Hawo kiri ku rubibi n’igihugu cya Kenya.