Print

Bugesera FC yamaze gusinyisha myugariro w’I Burundi wakinnye muri Simba SC

Uwari myugariro w’ikipe ya Vital’o FC, Nimubona Emery batazira Kadogo yamaze gusinya amasezerano y’Imyaka ibiri mu ikipe ya Bugesera FC nkuko amakuru dukesha ikinyamakuru cyo mu Burundi Indundi.com abitangaza.

Uyu musore wari umaze iminsi akorera imyitozo mu ikipe ya Bugesera FC aho yari yazanywe ni na Kanyankore Gilbert uzwi nka Yaounde uherutse kwirukanwa n’iyi kipe azira imyitwarire mibi.

Uyu musore wakiniye mu makipe nka Nile Olympic Athletico Olympique na Vital’o FC zo mu Burundi ndetse akerekeza mu ikipe ya Simba SC yo muri Tanzania.Uyu musore yaciye kandi mu ikipe yo muri Congo Brazzaville.

Uyu musore Nimubona Emery aje muri Bugesera FC aho asanzemo abandi Barundi nka Nzigamasabo Steve, Bukebuke Yannick hamwe na Nininahazwe Fabrice.