Abasirikare 3 ba ONU biciwe muri Mali
Abasirikare bagera kuri batatu ba MINUSMA, b’ishyirahamwe mpuzamahanga ONU bagiye kubungabunga amahoro n’umutekano mu gihugu cya Mali biciwe mu majyepfo y’icyo gihugu kuri iki cyumweru tariki ya 24 Nzeri 2017.
MINUSMA yatangaje ko imodoka yarimwo abasirikare bayo bamuka mu gihugu cya Bangladesh yaciye ku gisasu cyari gitezwe mu gace gahuza umujyi wa Gao n’imihanda yo mu karere ka Anefis. Icyo gitero cyakomerekeje abandi basirikare batanu.
Nta mutwe w’iterabwoba uriyitirira icyo gitero, ariko gisa n’ibindi byakozwe n’umutwe w’iterabwoba wa al-Qaida muri ako karere.
Umunyamabanga mukuru wa ONU, Antonio Guterres, yaneguye icyo gitero mu itangazo ryasomwe n’umuvugizi wiwe, Stéphane Dujarric kuri iki cyumweru.
Abasirikare ba MINUSMA barenga 100 nibo kugeza ubu bamaze gupfira muri Mali, igihugu kiza ubwa mbere mu gutakaza abasirikare benshi mu mirwi 16 ya ONU ikwiragiye ku isi.