Umukinnyi wa Manchester City yarokotse impanuka ikomeye y’imodoka
Rutahizamu w’ikipe ya Manchester City Sergio Aguero,yarokotse impanuka ikomeye y’imodoka yagiriye mu Buholandi ubwo yari avuye mu gitaramo yari yatumiwemo aho bivugwa ko ashobora kumara ukwezi kose adakina.
Uyu musore nyuma yo gukina umukino wa UEFA Champions League ikipe ye yatsinze Shakhtar Donetsk ku wa kabiri ndetse agahusha penaliti muri uyu mukino,yahise yerekeza mu Buholand muri Concert we n’inshuti ye gusa aza gukora impanuka ikomeye ubwo yari muri taxi agiye ku kibuga cy’indege cya Amsterdam gufata indege imugarura mu Bwongereza kwitegura umukino Manchester City ifitanye na Chelsea.
Uyu musore yiyongereye kuri myugariro Benjamin Mendy nawe ugiye kumaraamezi 9 adakina kubera ikibazo cy’imvune yo mu ivi yagize mu minsi ishize.
