Print

Umusirikare umwe wa ONU yiciwe muri Congo abandi barakomereka

Umutwe w’Umuryango w’abibumbye ONU ushinzwe kugarura umutekano muri Republika iharanira demokarasi ya Congo watangaje ko abarwanya ubutegetsi bwa Uganda bakoze igitero ku nkambi ya gisirikare muri Congo bica umusirikare wa ONU umwe banakomeretsa abandi barenga cumi.

Umuvugizi w’igisirikare cya Congo, Mak Hazukay, yavuze ko bakeka ko abarwanyi b’umutwe witwa Allied Democratic Forces (ADF) bakomoka muri Uganda, aribo bakoze icyo gitero, hamwe n’ibindi bimaze imisi bikorwa muri ako karere nk’uko bitangazwa n’Ijwi ry’Amerika.

Iyo nkambi iri mu Uburasirazuba bwa gace ka Beni, iki gitero cyabaye mu gitondo cyo kuri uyu wa mbere.

Ibihugu abahitanywe hamwe n’abakomerekeye muri icyo gitero baturukamwo ntibiramenyekana.