Klopp yikomye imikinire ya Manchester United yo kugarira bikomeye
Umutoza w’ikipe ya Liverpool Jurgen Klopp yatangaje ko yababajwe n’imikinire y’ikipe ya Manchester United ndetse yemeza ko kuri we atazigera akina nkuko iyi kipe yabigenje ubwo banganyaga 0-0 ku mukino wabimburiye izindi ku wa Gatandatu taliki ya 14 Ukwakira uyu mwaka.
Uyu mutoza urangwa no gusatira uwo bahanganye ntabwo yashoboye kumenera mu bwugarizi bwa Manchester United ndetse nubwo yabonye amahirwe asaga 20 yo kuba yabona igitego aho nyuma y’uyu mukino yatangaje ko atishimiye uburyo iyi kipe yakinnye ndetse avuga ko we adashobora gukina nkayo.
Yagize ati “Twakinnye nk’ikipe ishaka amanota 3 nubwo Manchester United yo yaje ishaka inota rimwe.Ndabizi ko ikipe ya Liverpool idashobora gukina nkuko Manchester United yakinnye.Biragoye gutsinda ikipe ya Manchester United yugarira ku rwego nka ruriya nubwo twabonye amahirwe agera kuri 20 yo kubona igitego.”
Ikipe ya Liverpool mu mikino 8 iheruka gukina mu marushanwa yose yatsinzemo 1 ndetse ubu iri ku mwanya wa 8 ku rutonde rwa Premier League n’amanota 13 mu gihe Manchester United iri ku mwanya wa kabiri n’amanota 20.
Comments
Karimbanye Luc 15 October 2017
Ariko uyu mutoza si umusazi ra! nonese ko akina asatira nkaba mbona mu mikino umunani amaze gukina atarayitsinze yose kandi we akina asatira!.