NBA: Gorden Hayward yagize imvune ikomeye cyane
Mu rukerera rwo kuri uyu wa kabiri taliki ya 18 Ukwakira 2017 nibwo hatangiye imikino ya shampiyona ya Basketball muri Leta zunze Ubumwe z’Amerika NBA ikunzwe na benshi ku isi aho ikipe ya Girden states Warriors yegukanye igikombe cya shampiyona giheruka yatangiye itsindwa na Houston Rockets amanota 122 ku 121 mu gihe ku rundi ruhande cleverand Cavaliers yatsindiwe ku mukino wa nyuma ubushize yatangiye itsinda Boston Celtics amanota 102 kuri 99 umukino wavunikiyemo bikomeye umusore Gordon Hayward wa Celtics.
Ikipe ya Cleveland Cavaliers yari ku kibuga cyayo Quickens Loans Arena yashoboye kwigaranzura Boston Celtics yaguze abakinnyi bakomeye barimo Kylie Irving wari usanzwe ayikinira amanota 102 kuri 99 aho umusore ukomeye Gordon Hayward Celtics yaguze muri Utah Jazz uyu mwaka yavunitse bikomeye ndetse benshi mu bakinnyi barimo Lebron James na Irving bemeza ko imvune uyu musore agize iri mu zikomeye babonye ndetse bamwifuriza gukira vuba aho yavunitse igufwa ry’akagombambari.
Lebron James yatsinze amanota 29 ndetse akora rebounds 16 mu gihe Kylie irving yatsinze amanota 22 ndetse atanga imipira 10 yavuyemo amanota.
Ku rundi ruhande ikipe ya Gorden states Warriors yatsindiwe ku kibuga cyayo na Houston Rockets amanota 122 ku 121 aho abasore bayo bakomeye nka Stephen Curry,Kevin Durant,Klay Thompson na Draymond Green bagerageje kwitwara neza gusa ntibabashe kwitwara neza imbere ya Rockets irangajwe imbere na James Harden,Chris Paul baguze uyu mwaka na Clint Capella.
James Harden niwe watsinze amanota menshi muri uyu mukino 27 aho yakurikiwe na Eric Gordon nawe bakinana mu gihe ku ruhande rwa Warriors uwatsinze menshi ari Nick Young waguzwe muri Lakers mu gihe Curry yatsinze 22,Durant 20,Thompson 16,Green 9.Chris paul yatsinze amanota 4.
Hayward yavunikiye bikomeye mu mukino Celtics yatsinzwemo na Cavs