Print

Abakinnyi batatu bazatorwamo uwahize abandi mu batarengeje imyaka 21-URUTONDE

Yanditwe na: 21 October 2017 Yasuwe: 748

Kuri uyu munsi taliki ya 21 Ukwakira 2017, nibwo hamenyekanye abasore 3 bazatorwamo umukinnyi mwiza w’umwaka mu batarengeje imyaka 21 aho hagaragayemo umukinnyi Gabriel Jesus ukinira Manchester City,Kylian Mbappe ukinira PSG na Ousmane Dembele ukinira ikipe ya FC barcelona bose akaba ari ba rutahizamu.

Iki gihembo gitangwa n’ikinyamakuru Tuttosport cyo mu Butaliyani,gihabwa umukinnyi witwaye neza mu bakinnyi batarengeje imyaka 21 ku isi aho abasore nka Lionel Messi, Wayne Rooney na Paul Pogba bari mu batwaye iki gihembo mu gihe umwaka ushize cyegukanwe na Renato Sanchez ukinira ikipe ya Swansea City.

Nubwo yarangije ku mwanya wa 2 umwaka ushize,umusore Marcus Rashford ntiyabashije kugaruka kuri uru rutonde aho uhabwa amahirwe ari umufaransa Kylian Mbappe.

Iki gihembo kizatangwa ku wa Mbere taliki ya 23 Ukwakira 2017 aho abanyamakuru basaga 30 aribo bazabasha gutora.