Imvune ishobora gutuma Djihad atagaragara ku mukino wa Ethiopia
Bizimana Djihad yagiriye akabazo k’imvune mu myitozo yo ku munsi w’ejo aho bishobora gutuma atagaragara ku mukino ubanza Amavubi azakina na Ethiopia ku cyumweru taliki ya 05 Ugushyingo 2017.
Umukinnyi wo hagati mu ikipe y’igihugu amavubi Bizimana Djihad yagize akabazo k’imvune mu myitozo ku munsi w’ejo aho ikipe y’igihugu iri kwitegura kwerekeza mu gihugu cya Ethiopia mu mukino wo guhatanira itike yo kwerekeza mu gikombe cya CHAN 2018 kizabera muri Maroc.
Uyu musore ngenderwaho yaba mu ikipe ya APR FC ndetse no mu Mavubi,yagize ikibazo cy’imvune mu kagombambari byatumye atarangizanya imyitozo na bagenzi be,ibintu bihangayikishije abakunzi b’ikipe y’igihugu Amavubi.
Kuri ubu byamaze kwemezwa ko umukino w’u Rwanda na Ethiopia uzaba ku cyumweru taliki ya 05 Ugushyingo 2017, nyuma y’aho byavugwaga ko ikipe ya Ethiopia yandikiye CAF iyisaba gusubika uyu mukino aho CAF yabakuriye inzira ku murima ko bidashoboka.
Uyu munsi nibwo umutoza w’ikipe y’igihugu Antoine Hey aragira ikiganiro n’itangazamakuru mbere y’uko Amavubi ahaguruka ku munsi w’ejo aho byitezwe ko ari buze kuvuga ku bijyanye n’imvune Djihad yagize.
Urutonde rw’abakinnyi 25 Ethiopia yahamagaye:
Abazamu:
Jemal Tassew (Dire Dawa), Lealem Birhanu (St. George), Tarike Getenet (Dedebit)
Abakina inyuma:
Abebaw Butako, Salahdin Bargicho, Asechalew Tamene (all from St. George), Girma Bekele (Ethio-Electric), Henok Adugna (Jimma Aba Jifar), Eshetu Menna (Wolaitta Dicha), Desta Yohannis (Hawassa).
Abakina hagati:
Menetesnote Adane, Mulualem Mesfin (both from St. George), Samson Tilahun, Mesude Mohammed (both from Ethiopian Coffee), Tewdros Tafesse (Defense), Firew Solomon (Hawassa), Surafel Dagnachew (Adama), Amanuel GebreMikael (Mekele), Teklu Tesfaye (Ethio-Electric).
Ba rutahizamu:
Salahdin Said, Abubakher Sani, Ame Mohammed (all from St. George), Dawa Hotessa (Adama), Minyelu Wendimu (Defense), Getaneh Kebede (Dedebit).