Ministri w’intebe wa Libani yeguye
Ministri w’intebe wa Libani, Saad al-Hariri, yatangaje benshi avuga ko yeguye kuri uwo mwanya.
Yavuze ko ikibimuteye ari ubwoba bw’ubuzima bwe.
Mu kiganiro yahaye abanyamakuru i Beirut, Bwana Hariri yanenze yivuye inyuma umutwe w’aba Shia wa Hezbollah n’igihugu cya Irani.
Yavuze ko nta hantu na hamwe Irani ijya itajyanyeho ubwoba no gusenya.
Saad al-Hariri yongeyeho kandi ko uko ibintu bimeze ubungubu muri Libani bisa nk’uko byari bimeze igihe se - Rafiq Hariri - yicwaga muri 2005.
Bwana Hariri yagiye ku mwanya wa ministri w’intebe mu kwezi kwa cumi na kabiri k’umwaka ushize.
Aherutse gusura inshuro nyinshi igihugu cya Arabia Saudite.
Arabia Saudite inenga cyane igihugu cya Irani.
Bwana Hariri yagiye ku mwanya wa ministri w’intebe mu kwezi 12 muri 2016.
BBC