Print

Messi yatangaje icyifuzo cye mu gikombe cy’isi cyo mu Burusiya

Rutahizamu Lionel Messi yatangaje ko yifuza kuzaba ari mu bihe byiza mu gikombe cy’isi cya 2018 kugira ngo afashe ikipe ya Argentina.

Uyu rutahizamu yabitangarije abanyamakuru nyuma y’umukino batsinze Uburusiya igitego 1-0 cyatsinzwe na Sergio Aguero,ku mugoroba wo kuri uyu wa Gatandatu taliki ya 11 Ugushyingo 2017.

Yagize ati “Ndifuza kujya mu gikombe cy’isi ndi mu bihe byiza nubwo dufite imikino myinshi yaba muri La liga,UEFA champions League na Copa del Rey.”

Uyu musore yashimiye Kun Aguero wabafashije gutsinda igitego 1-0,ndetse atangaza ko atazagaragara ku mukino Argentina ifitanye na Nigeria mu rwego rwo kuruhuka kugira ngo yitegura umukino wa shampiyona Barcelona izakurikizaho.