Bale ayoboye urutonde rw’abakinnyi bagiye kwerekwa umuryango muri Real Madrid (urutonde)
Umutoza w’ikipe ya Real Madrid Zinedine Zidane yamaze guha urutonde rw’abakinnyi 8 yifuza ko umwaka utaha bazaba batakibarizwa muri iyi kipe rukaba ruyobowe na Gareth Bale.
Gareth Bale amaze gusiba imikino 41 muri 61 Real Madrid iheruka gukina
Nkuko amakuru dukesha ikinyamakuru The Sun abitangaza,uyu mutoza ari ku gitutu gikomeye kubera ukuntu yatangiye nabi shampiyona ndetse bikaba byatumye yifuza kurekura bamwe mu bakinnyi bakomeye iyi kipe ifite kugira ngo agurirwe abandi bashya bakomeye.
Modric mu nzira zihoka muri Real Madrid kubera imyaka afite
Mu bakinnyi uyu mufaransa yahaye Boss we Florentino Perez barangajwe imbere na Gareth Bale waje mu iyi kipe aguzwe akayabo ka miliyoni 86 z’amapawundi utarahiriwe n’iyi kipe kubera imvune, Luka Modric ushobora kurekurwa kubera imyaka, Marcos Llorente, Kiko Casilla na Vallejo mu gihe Zidane yifuza gutiza Lucas Vazquez na Dani Ceballos mu kwezi kwa mbere.
Ikipe ya Real madrid yatangiye nabi shampiyona ya La Liga aho kuri ubu imaze kurushwa amanota 10 na mukeba wayo FC Barcelona bahora bahanganye.
Marco Llorente mu nzira isohoka
Biteganyijwe ko ikipe ya Real Madrid iziharira isoko ryo mu mpeshyi y’umwaka utaha cyane ko benshi mu bakinnyi igenderaho bamaze gusaza no kunanirwa kubera imikino myinshi.