Print

Umucuranzi w’ Umufaransa wari kabuhariwe mu njyana ya Rock yitabye Imana

Yanditwe na: Nsanzimana Ernest 5 December 2017 Yasuwe: 534

Umugore wa Johnny Hallyday, Umufaransa wari umucuranzi ukomeye w’ injyana ya rock akaba n’ umukinnyi w’ amafilime yatangaje ko umugabo we yitabye Imana ku myaka 74 azize kanseri y’ ibihaha.

Amazina bwite y’ uyu muhanzi ni Jean-Philippe Smet. Yagurishije amakopi y’ indirimbo agera kuri miliyoni 100. Yitabye Imana yari asigaye yaramamaye mugukina filime.

Johnny Hallday yari umwe mu bahawe izina ry’ icyubahiro ’Chevalier’ arihabwa na Jacques Chirac wari Perezida w’ Ubufaransa mu 1997.

Mu gihugu cy’ Ubufaransa uyu mugabo bamwitaga ’Our Johnny’ ’Johnny wacu’ gusa hanze y’ Ubufaransa uyu mugabo ntabwo yari azwi cyane nk’ uko BBC yabitangaje.

Mu itangazo umugore wa Nyakwigendera Laeticia yashyize ahagaragara yagize ati "Johnny Hallday yadukuwemo. Aya magambo ndayandika ntayakunze ariko ni ukuri, umugabo wanjye ntakiri kumwe natwe. Yadukuwemo nijoro yari agifite umurava n’ icyubahiro"

Imwe mu ndirimbo zaririmbwe na Johnny Hallday