Print

Wiz Kid yageze Uganda ngo agiye gukora igitaramo cy’amateka muri Afurika

Yanditwe na: Iyamuremye Janvier 6 December 2017 Yasuwe: 382

Kuri uyu wa 06 Ukuboza 2017 Wiz Kid yageze ku kibuga cy’indege cya Entebbe muri Uganda ahagana saa cyenda z’amanywa.Yakiriwe n’abagize ikipe ya Face Tv ikorera muri iki gihugu ndetse na bamwe mu bayobozi ba kompanyi ya Star Times bari kumwe n’itangazamakuru.

Mbere yo kugera muri Uganda; bamwe mubo bakorana barimo Dj Gabriel umufasha mukuvanga muzika, abavuza ingoma, abacuranga gitari ndetse n’abashizwe ibijyanye n’amajwi bahageze kuwa gatandatu w’iki cyumweru gishize.

Wizkid azataramiraa abafana be mu mujyi wa Kampala kuri uyu wa kane tariki ya 07 Ukuboza 2017 mu gitaramo cyiswe “Thursday Night With Wizkid” kizabera ku kibuga cya Cricket ’ Lugogo Oval’.

Uyu muhanzi wo muri Nigeria yahise akomereza mu kiganiro n’itangazamakuru aho yatangaje ko igitaramo agiye gukorera muri Uganda kizaba icya mbere muri Afurika yose. Yagize ati “Ndacyeka ko ari cyo gitaramo cy’amateka ngiye gukorera muri Afurika.Uburyo nakiriwe ku kibuga cy’indege byanyongereye imbaraga zidasanzwe.Mwanyeretse urukundo rwinshi kandi nabikunze.”

Yakomeje avuga ko azaririmba mu gihe kingana n’amasaha abiri kandi ko azashimisha abakunzi be ku kigero cyo hejuru kuburyo buri wese azanyurwa ‘mfite amatsiko menshi si njye urota umunsi ugeze’.





AMAFOTO: Chano8