Cristiano Ronaldo yongeye guca utundi duhigo mu mikino ya UEFA Champions League
Rutahizamu w’ikipe ya Real Madrid akomeje gukora amateka yo guca uduhigo mu mikino ya UEFA Champions League nyuma y’aho mu ijoro ryakeye yakoze agahigo ko gutsinda igitego muri buri mukino w’amatsinda ya Champions League y’uyu mwaka.
Mu ijoro ryo kuri uyu wa Gatatu ubwo Real Madrid yatsindaga Borussia Dortmund 3-2, Cristiano Ronaldo wa Real Madrid yatsinze igitego 9 cya cyenda mu mikino 6, bituma aca agahigo ko kuba umukinnyi wa mbere utsinze igitego muri buri mukino wo mu itsinda mu mwaka umwe w’imikino.
Tombola y’uko amakipe azahura mu mikino ya 1/8 cy’irangiza iteganyijwe ku wa mbere Tariki ya 11 Ukuboza,ikazabera ku cyicaro cya FIFA i Nyon mu Busuwisi.
Amakipe yageze mu mikino ya 1/8 cya UEFA Champions League:
1. Manchester United
2. FC Basel
3. PSG
4. Bayern
5. Roma
6. Chelsea
7. Barcelona
8. Juventus
9. Liverpool
10. Sevilla
11. Man City
12. Shakhtar Donetsk
13. Besiktas
14. Porto
15. Tottenham
16. Real Madrid