Print

Kagere wangiwe gukinira Amavubi yatowe nk’umukinnyi wahize abandi muri Kenya

Umukinnyi Kagere Maddie, umunyarwanda ukinira ikipe ya Gor Mahia yo muri Kenya yatowe n’abanyamakuru b’imikino muri Kenya (Sports Journalists Association of Kenya (SJAK) ko ariwe wahize abandi muri uyu mwaka mu ijoro ryakeye.

Uyu mugabo wimwe ubwenegihugu bw’u Rwanda kandi yararukiniye,yanikiye bagenzi be barimo Jacques Tuyisenge,Odhiambo Moses, Masud Juma n’abandi yegukana iki gihembo nyuma yo gufasha iyi kipe kwegukana igikombe cya shampiyona ku nshuro ya 16.

Kagere yatsinze ibitego 13 muri shampiyona yose ndetse yagize uruhare rwo gufasha ikipe ya Gor Mahia byakomeye kuko ni kenshi yagiye ayihesha amanota 3 ku munota wa nyuma.

Kagere yashimiye abakinnyi bakinana ndetse ashimira abanyamakuru bo muri Kenya bamutoye akegukana iki gihembo