Print

RDC: Inyubako za Perezida Kabila zatwitswe

Inyubako y’umukuru w’igihugu cya Repuburika iharanira demokarasi ya Congo Joseph Kabila iri mu majyepfo mu ntara ya Kivu, yatewe n’abitwaje intwaro mu ijoro ryo kuri uyu wa mbere tariki ya 25 Ukuboza 2017 ku munsi wa Noheli.Umuntu umwe akaba yahasize ubuzima.

Abagizi ba nabi benshi baruta abashinzwe umutekano b’iyo nyubako y’umukuru w’igihugu nibo bateye muri ako gace.

Umuporisi umwe yarashwe arapfa.Umurambo we watwitswe ndetse n’inyubako 3 ziri muri iryo tongo ry’umukuru w’igihugu ziratwikwa.

Hari amakuru avuga ko icyo gitero cyakozwe n’abarwanyi ba Maï-Maï. Ni ubwa mbere igitero cyigabwe ku nyubako y’umukuru w’igihugu kugeza naho inzu ze zitwikwa.

Icyo gitero kikaba cyabaye mu joro rya Noël kandi gikorwa mu gace karimo abakirisu.