Print

Morata n’umufasha we bagiye kwibaruka impanga

Rutahizamu w’ikipe ya Chelsea Alvaro morata n’umufasha we Alice Campello babwiwe na muganga ko bagiye kwibaruka impanga.

Aba bombi baheruka gukora ubukwe taliki ya 17 Kamena uyu mwaka,baherutse gutangaza ko biteguye umwana umwe,ariko amakuru atangazwa n’ibinyamakuru bitandukanye byo muri Espagne ni uko babwiwe na muganga ko bagiye kubyara impanga.

Uyu rutahizamu w’imyaka 25 wageze muri Chelsea uyu mwaka aguzwe akayabo ka miliyoni 58 z’amapawundi amaze gutsinda ibitego 10 muri shampiyona y’Ubwongereza ndetse akomeje kwishimirwa n’abakunzi b’ikipe ya Chelsea kubera ubuhanga afite mu gutsinda ibitego by’umutwe.

Morata abana n’umugore we mu Bwongereza mu mugi wa London aho ikipe ya Chelsea ibarizwa.

Dusingizimana Remy