Kenya: Impanuka y’imodoka yatwaye abagera kuri 36 abandi benshi barakomereka
Impanuka y’imodoka ikomeye mu gihugu cya Kenya yahitanye benshi mu gitondo cyo kuri uyu wa 31 Ukuboza 2017 aho kugeza ubu amakuru avuga ko abantu 36 bapfuye abandi benshi bagakomereka bagera kuri 18.
Ikinyamakuru Daily nation cyandikirwa muri Kenya cyatangaje y’uko imodoka y’ikamyo yaturukaga mu mujyi wa Nakuru-Eldoret iza kugonana n’indi modoka nini itwara abagenzi.Ngo iyi modoka itwara abagenzi yaje kubisikana n’iyi kamyo biragonana.
Abantu 30 bahise bitaba Imana mu gihe abandi 6 bapfiriye kwa muganga mu mujyi wa Nairobi mu gace ka Nakuru. Imibare itangazwa n’ibitaro bya Nairobi n’uko benshi mu bapfuye ari abana ndetse n’abakuru bari mu myaka 35 y’amavuko.
Abagenzi 34 nibo bapfuye mu modoka itwara abagenzi muri 46 yari itwaye mu gihe mu ikamyo nini yapfuyemo babiri gusa.Iyi mpanuka ikaba yatewe n’umuvuduko w’iyi kamyo nini yaje gutana ikagonga imodoka itwara abagenzi.
