RDC: Abantu 8 bishwe mu myigaragambyo yo kwamagana Perezida Kabila
Abasivile 8 bishwe kuri iki cyumweru muri Republika iharanira Demokarasi ya Kongo abandi babarirwa mu ijana barahagarikwa, mu myigaragambyo yateguwe n’Abakatolika batishimiye iguma ku butegetsi rya perezida Joseph Kabila.
Polisi ya Kongo yatangaje ko hapfuye abantu 3, mu gihe Leta yo yavuze ko umupolisi umwe ariwe wishwe ku murwa mukuru Kinshasa.
Kuri Paruwasi ya Saint Michel mu gace ka Bandalungwa Polisi yarashe amasasu y’ukuri, inakoresha n’imyuka ibabaza mu maso ku bantu bari mur’iyo myigaragambyo.
Iyo myigarambyo yateguwe n’Abakatolika bo muri Kongo, nyuma y’umwaka hasinywe amasezerano y’amahoro yari ahagarariwe n’abepiskopi Katolika mur’icyo gihugu.
Amasezerano yategekanyaga ko amatora y’umukuru w’igihugu abamu mpera z’umwaka wa 2017 kugirango bategure ukuva ku butegetsi kwa Kabila.
Abatavuga rumwe n’ubutegetsi bose hamwe n’amashyirahamwe adaharanira inyungu za politike bifatanyije n’abandi mur’iyo myigaragambyo, yari yabujijwe n’ubutegetsi.
Abari mu myigaragambyo kuri iki cyumweru basabaga ko Perezida Kabila atazahindura Itegeko Nshinga ngo akunde yiyamamarize manda ya gatatu.
Umuyobozi utavuga rumwe n’ubutegetsi, Felix Tshisekedi yasengeye kuri Cathedral ya Notre Dame du Congo i Kinshasa abaturage bagera mu 100 bamusangayo kugirango bifatanye nawe mu myigaragambyo aranga ava mu modoka aragenda avugirizwa induru y’uko abatereranye.
Kuva ku munsi w’ejo wo ku cyumweru abategetsi muri icyo gihugu bari bategetse ko internet ifungwa hamwe na serivisi zo kohererezanya ubutumwa bugufi (SMS).
Comments
HATEGEKA 1 January 2018
Politics ni mbi cyane.Harya ngo abayobozi bashyirwaho n’imana?Ntabwo ari byo.Kubera ko abenshi bajya ku butegetsi babanje kumena amaraso y’inzirakarengane.
It was the case for Kabila,Nkurunziza,M7,Mobutu,Habyarimana,Kayibanda,etc...Nta mana yica.Impamvu banga kurekura ubutegetsi,nuko baba barakoze ibintu byinshi bibi:Ubwicanyi,gusahura igihugu,gutonesha bene wabo (despotism),etc...
Seemingly,Kabila,Nkurunziza,M7,etc...bazahindura itegeko nshinga,bategeke ubuzima bwabo bwose.Nihagira uvuga,bazamwica kuko bafite imbunda zaguzwe n’abenegihugu kandi zica abenegihugu!!