Intara y’Amajyepfo: Mu bakobwa 14 hakomeje 10#MissRwanda2018
Kuri uyu wa Gatandatu tariki ya 20 Mutarama, 2018 mu Ntara y’Amajyepfo habereye igikorwa cyo guhitamo abakobwa bazaserukira iyi ntara mu irushanwa rya Miss Rwanda 2018 aho mu bakobwa 14 bahatanaga abagera ku 10 aribo bahawe amahirwe yo gukomeza mu kindi cy’icyiciro.
Iri jonjora ryabereye mu karere ka Huye, kuri Hotel Credo.Abakobwa bari bahatanye uko ari 14 ni: Ikirezi Mpore Marie Wivine, Agasaro Charlene (cm175 na kg 64), Umunyana Shanitah(cm184 na kg 55), Umutoniwase Anastasie(cm180 na kg60), Dushimimana Lydia (cm170 na kg 57), I
shimwe Noriella(cm170na kg 51), Nzakarerimana Gloria (cm171 na kg 65), Mushakambakazi Jordan(cm171 na kg 56),Uwase Ndahiro Liliane (cm 174 na kg 69), Irakoze Vanessa( cm 177 na kg60), Kwizera Claire (cm 171 na kg 55), Umuhire Rebecca (cm 170 na kg 56), Irabishoboye Grace (cm 170 na kg 60), na Bampire Diane (cm 170 na kg 60).
Uko ari 14 batambutse imbere y’akanama nkempurampaka bahatwa ibibazo bitandukanye. Bamwe mu bakobwa bagaragaje ubumenyi bucye ku bibazo babazwaga kuburyo hari aho byageze abagize akanama nkemurampaka kagizwe na batatu bageraga ho bakifata cyangwa se bagatanga OYA gusa.
Nyuma yo kwiherera, Sandrine Isheja ukuriye abagize akanama nkemurampaka yagarutse avuga ko bitari byoroshye guhitamo abakobwa mu Ntara y’Amajyepfo ariko ko abatsinzwe bafite amahirwe yo kuzakomeza umwaka utaha, anaboneraho gutangaza abakobwa 10 bazakomeza mu cyiciro gikurikiyeho ari bo:
Dushimimana Lydia, Irakoze Vanessa, Ishimwe Noriella, Ikirezi Mpore Marie Wivine, Nzakorerimana Gloria, Umunyana Shanitah, Umuhire Rebecca, Uwase Ndahiro Liliane, Mushombokazi Jordan, Umutoniwase Anastasie.
Bamwe mu bakobwa bakomeje
Irijonjora rigitangira ryakomwe mu nkokora n’umuriro wabuze iminota igera kuri 30, bivuze ko ibyuma by’amajwi byahise biceceka n’amatara aboneshereza abafotozi arazima.Benshi batangiye kunenga ubuyobozi bwa Hotel Credo butashatse ubundi buryo bwakwifashishwa mu gihe umuriro waba ubuze.
Kuri iki cyumweru tariki 21 Mutarama 2018 ijonjora rirakomereza mu ntara y’Uburasirazuba.