Sanchez yatangiye guteza ibibazo muri Manchester United
Umukinnyi Alexis Sanchez yatangiye guteza umwuka mubi mu rwambariro rw’ikipe ya Manchester United kubera umushahara yahawe byatumye abakinnyi bakomeye muri iyi kipe batangira kwifuza kongezwa.
Uyu musore ugiye kujya ahabwa umushahara w’ibihumbi 500 ku cyumweru nyuma yo kuva mu ikipe ya Arsenal mu minsi ishize,yateje urunturuntu muri Manchester United kuko abakinnyi nka Paul Pogba, Zlatan Ibrahimovic na David de Gea bagiye gusaba kongererwa umushahara nyuma yo kumva aya makuru.
Nubwo Sanchez yishimiye uko yakiriwe muri Manchester United,abakinnyi bakomeye muri iyi kipe bagaragarije ubuyobozi ko batishimiye umushahara w’umurengera bamuhaye bityo biteguye gusaba kongezwa ndetse imishahara yabo ikajya ku rwego rumwe n’urwe.
Sanchez yahise aba umukinnyi wa 4 uhembwa amafaranga menshi nyuma ya Lionel Messi, Neymar na Cristiano Ronaldo.