2017 abarenga 500 biciwe mu Burundi
Umuryango uharanira uburenganzira bwa muntu mu gihugu cy’ u Burundi APRODH uyoborwa na Pierre-Claver Mbonimpa washyize ahagaragara raporo igaragaza ko mu mwaka ushyize wa 2017 abantu barenga 500 bishwe.
Ubu bugizi bwa nabi bumaze kumenyerwa mu Burundi nk’ uko RFI dukesha iyi nkuru yabitangaje. APRODH ivuga ko abakora ubu bwicanyi ari abantu bitwaje intwaro gusa Leta y’ iki gihugu ntabwo ibahana. Uyu muryango uvuga ko guverinoma y’ u Burundi ihora ivuga kugarura umutekano ariko bikaba bitaragerwaho.
Uyu muryango watangaje ko muri 2017 mu Burundi hiciwe abantu 504 abandi 373. Ukomeza uvuga ko abishwe ari abo mu mashyaka atavugarumwe n’ umutegetsi nka FNL rya Agaton Rwasa n’ abadashyigikiye manda ya gatatu ya Perezida Pierre Nkurunziza.
APRODH ivuga ko babiri muri buri batatu bagize 504 bishwe n’ urubyiruko rushyigikiwe n’ ubutegetsi buriho mu Burundi ‘Imbonerakure’.
Uyu muryango uvuga ko uretse aba bishwe hari n’ abandi bagiye baterwa ubwoba abandi bagakorerwa iyicarubozo.