Manishimwe Djabel afashije Rayon Sports kunyagira ASPOR
Umusore Manishimwe Djabel atsinze ibitego 3 muri 5-0 ikipe ya Rayon Sports itsinze Aspor mu mukino ubanza wa 1/16 cy’igikombe cy’Amahoro.
Muri uyu mukino wabereye kuri stade ya Kigali,umutoza Karekezi yagerageje guha umwanya abakinnyi badaheruka gukina,bamufasha kunyagira Aspor 5-0 .
Manishimwe Djabel niwe mukinnyi w’umunsi, kuko muri ibi bitego 5 yatsinze 3 ndetse abasha gutahana umupira mu mukino yabanje mu kibuga, nyuma y’igihe yari amaze mu ikipe y’igihugu yakinaga muri CHAN.
Manishimwe niwe wafunguye amazamu ku munota wa 8, ashyiramo icya 2 ku wa 40. Igitego cya 3 cyatsinzwe na Kwizera Pierrot ku munota wa 61 mu gihe icya kane cyatsinzwe na Manishimwe Djabel ku munota wa 67. Ismailla Diarra winjiye mu kibuga asimbuye,yatsinze igitego ku munota wa 90 kuri penaliti.
Kunyagira Aspor, bihaye akanyabugabo Rayon Sports iri kwitegura gucakirana na Lydia Ludic mu mukino ubanza wa CAF Champions League uzabera kuri stade Amahoro ku wa Gatandatu.
Abakinnyi babanje mu kibuga ku mpande zombi:
ASPOR FC: 21 Muhawenimana Emmanuel, 13 Isaro Rene Patrick, 6 Hategekimana Patrick, 14 Semahoro Cedrick, 2 Ruzibiza Prince, 15 Nshimiye Pascal, 17 Gasana Elvis, 5 Birashira Francois, 9 Byiringiro Irene, 12 Ntakirutimana Jean de Dieu, 10 Manzi John.
Abasimbura: 1 Nshimyumuremyi Emmanuel,4 Ishimwe Gael, 16 Gasore Shallif, 7 Kamanzi Idrissa, 19 Ngabitsinze Gilbert, 18 Turatsinze Patrick, 8 Ndayishimiye Joseph.
Rayon Sports FC: Ndayisenga Kassim, Nyandwi Saddam, Eric Irambona, Mutsinzi Ange, Faustin, Mukunzi Yannick, Niyonzima Olivier Sefu, Manishimwe Djabel, Nova Bayama, Gilbert Mugisha, Bimenyimana Bonfils Caleb.
Abasimbura: Ndayishimiye Eric Bakame, Mugabo Gabriel, Eric Rutanga, Kwizera Pierrot, Ismaila Diarra na Mugume Yassin.