APR FC itsindiye Anse Reunion mu rugo ishimangira guhura na Djoliba
Ikipe ya APR FC itsindiye ikipe ya Anse Reunion iwayo muri Seychelles ibitego 2-1 mu mukino wo kwishyura wa CAF Confederations Cup,ikatisha itike yo kwerekeza mu cyiciro gikurikiraho ahao izahura n’ikipe ya Djoliba yo muri Mali.
Ibitego bya Bigirimana Issa na Rugwiro Herve nibyo bifashije ikipe ya APR FC gushimangira intsinzi imbere y’igikipe ya Anse Reunion yari imbere y’abafana bayo nubwo ariyo yabanje igitego.
Ikipe ya APR FC ikomeje mu cyiciro gikurikiraho itsinze ibitego 6-1, aho igomba guhura na Djoliba FC yo muri Mali, yabonye itike yo gukomeza muri iki cyiciro idakinnye,kuko Elwa United yo muri Liberia bari guhura mu ijonjora ry’ibanze, yikuye mu irushanwa idakinnye.
Bigirimana Issa ari mu bihe byiza
Umukino ubanza n’uwo kwishyura mu cyiciro gikurikiraho mu mikino ya CAF Confederations Cup, APR FC izayikina mu kwezi gutaha.