Print

Haruna niyonzima yagiye mu Buhinde kwivuza imvune amaranye iminsi

Umukinnyi Haruna Niyonzima ukinira ikipe ya Simba SC yo muri Tanzania ndetse akaba na kapiteni w’Amavubi yamaze kwerekeza mu Buhinde kwivuza imvune ikomeye yagize mu Ukwakira 2017.

Uyu musore ukundwa na benshi muri Tanzania amaze iminsi adakina akaba ariyo mpamvu ikipe ya Simba SC yafashe umwanzuro wo kumuvuza kugira ngo abashe gukira neza yongere atange umusaruro.

Haruna yerekeje mu Buhinde ku wa kabiri aho agiye kwitabwaho n’abaganga b’inzobere mu kuvura imvune z’amavi muri iki gihugu.

Haruna umaze imyaka 7 akina muri Tanzania, yavunitse amaze iminsi mike avuye muri mukeba w’ibihe byose wa Simba SC ariwe Yanga none ashobora kumara amezi arenga 3 adakina.