APR FC na Rayon Sports zahise zerekeza mu mwiherero wo kwitegura gucakirana
Mu rwego rwo gukaza imyiteguro y’umukino w’ishyiraniro uzabahuza,ikipe ya Rayon Sports n’iya APR FC zaraye zigeze mu Rwanda,nta karuhuko zahaye abakinnyi bazo,zahise zijya mu mwiherero mu rwego rwo gushaka amanota 3 yo kuri iki cyumweru.
Rayon Sports yageze mu Rwanda mbere ivuye I Bujumbura,yahise ihitira mu mwiherero ndetse umuyobozi wayo Muvunyi Paul yabwiye abafana ko batakwemerera abakinnyi ko batandukana,kuko umukino wo ku cyumweru bagomba kuwitwaramo neza.
Ubwo ikipe ya APR FC yageraga I Kanombe mu gicuku cyo kuri uyu wa Kane ivuye muri Seychelles,abakinnyi bayo babwiye abafana bihanganye bakaza kubategereza muri iryo joro ko nta kabuza bagomba gutsinda Rayon Sports bakabashimira urukundo babagaragarije ndetse ko barahita batangira imyitozo.
Nta mwanya wo kuruhuka wahawe abakinnyi ba Rayon Sports
Abakinnyi ba Rayon Sports baratangira imyitozo mu Nzove kuri uyu wa Gatanu saa 15h30 bitegura uyu mukino wa Shampiyona bafitanye na APR FC mu gihe nta gihindutse ikipe ya APR FC irakorera kuri FERWAFA.
Abakinnyi ba APR FC bahise bajya mu mwiherero